| ტიპი: |
ნახევრად ავტომატური |
| მოდელი: |
S Semiauto rifle |
| კალიბრი: |
9x19 მმ |
| ლულის სიგრძე: |
26 სმ |
| ჩოკი: |
შაშხანა |
| წონა: |
3,5 კგ |
| ვაზნების რაოდენობა: |
20+1 (30+1) |
| კოდი: |
|
ერთ დროს ფისტოლეტ-ტყვიამფრქვევი UZI-S, რომელიც ამჯერად უკვე სამოქალაქო, ნახევრადავტომატურ ვერსიას წარმოადგენს, შეიქმნა „ისრაელის სამხედრო წარმოების“ – „Israel Military Industries“ – IMI - ს მიერ. თავად აღნიშნული კომპანია 1933 წელს ისრაელის თავდაცვის სამინისტროს ზედამხედველობის ქვეშ ჩამოყალიბდა და მას შემდგომ საკმაოდ ბევრი მსოფლიო დონის მოდელის დამზადება მოახერხა. სწორედ ერთ-ერთი მათგანია ზემოთხსენებული UZI-S, რომელიც გერმანელ-ებრაელმა, გერმანიის ქალაქ ვაიმარში დაბადებულმა - Gotthard Glas - მა შემდგომ კი UZI Gal - ად წოდებულმა ჯარისკაცმა, ჯერ კიდევ ლეიტენანტის რანგში 1948 წელს შექმნა და განავითარა. რამდენადაც გასაკვირი არ უნდა იყოს, ნიჭიერ კონსტრუქტორს ბევრი ხელისშემშლელი წინაპირობა ჰქონდა მანამდე, სანამ UZI-ზე მუშაობას დაიწყებდა. ომის პერიოდში ის ჯერ დიდ ბრიტანეთში მოხვდა ემიგრაციაში, შემდგომ კი პალესტინაში. 1943 წელს კი ის საერთოდ დააკავეს არალეგალური არაღის ტარების გამო და მიუსაჯეს 6 წელი. რეალურად ის1946 წელს გამოვიდა ციხიდან და სულ რაღაც 2 წელიწადში შექმნა იარაღი, რომელიც დღემდე ძალიან დიდი პოპულარობით სარგებლობს მთელ მსოფლიოში.
1949 წელს IMI - მ ოფიციალურად წარმოადგინა იარაღი და დაიწყო მისი სერიული წარმოება. UZI გახლდათ თვითმტენი ვერსია, რომელიც კინეტიკური ენერგიის ხარჯზე ახორციელებდა გადატენვის პროცედურას. მისი ლულა ფიქსირებულია და სროლისას არ მოძრაობს. მასიური საკეტი კი დამაბრუნებელ ზამბარასთან ერთად იდეალურად ართმევს თავს თავისზე დაკისრებულ მოვალეობას და ვაზნის მჭიდიდან სავაზნე არხში გადატანას ყოველგვარი შეფერხების გარეშე ახორციელებს. აღსანიშნავია იარაღის მოხერხებული სისტემური აგებულება. მისი კომპაქტურობა პირველრიგში გამოიხატება ქვედა სისტემურ კოლოფში, რომელიც ერთდროულად მჭიდს და ხელსაკიდ ტარს წარმოადგენს. ის განთავსებულია და ზედა სისტემურ კოლოფს უკავშირდება შუა ნაწილში, რაც განაპირობებს მოდელის სიგრძის საგრძნობლად შემცირებას. ამას ემატება საკეცი ტარი, რომელიც მთლიანად რკინის არის და დაკეცილ მდგომარეობაში ზედა სისტემურ კოლოფს არც მეტი არც ნაკლები, მხოლოდ და მხოლოდ 3 სმ-ით აგრძელებს. საერთო ჯამში შაშხანა არის მოხერხებული და ამავდროულად საკმარისად ზუსტი. მის სიზუსტეს მის აგებულებასთან ერთად ლულის სიგრძეც განაპირობებს, რომელიც ლუგერის 9x19 - ის ვაზნებს ისვრის და სიგრძეში 260 მმ-ია.
ასევე აღსანიშნავია, რომ მჭიდში ვაზნები ზიგზაგისებურად იდება, რაც საერთო სიმაღლეს ამცირებს და ზრდის ვაზნების ტევადობას. ზოგადად იწარმოება მისი სხვა და სხვა ტევადობის მქონე მჭიდები - 10, 20, 25, 32, 40 და 50 ვაზნის ტევადობისაც კი.
შაშხანა მოდერნიზებულია სამოქალაქო ბაზრისათვის ჩეხეთში, კომპანია „Zelenysport“ – ის მიერ. თუმცაღა უნდა აღინიშნოს, რომ გარდა ნახევრადავტომატური სისტემისა, მასში შენარჩუნებულია ყველა ის სამხედრო თვისება, რომელიც მანამდე გააჩნდა იარაღს. სწორედ ამიტომ ითვლება ის კოლექციონერებისა თუ რეტრო იარაღის მოყვარული საზოგადოების ერთ-ერთ საყვარელ მოდელად.
აღსანიშნავია, რომ საქართველოში იმპორტირებული ყველა შაშხანა უხმარია, იდეალურად გამოიყურება. თითოეულ მათგანს აშკარად ეტყობა რომ მათითან არავის უსვრია და შესაბამისად მათი დდაშლისა თუ დათვალიერების შედეგად არავითარი ნასროლის კვალი არ ჩანს.
დღესდღეობით უკვე უამრავი აქსესუარია წარმოებული, რომლის დამაგრებაც შესაძლებელია ზემოთხსენებულ იარაღზე და შესაბამისად მფლობელს ძაან მარტივად ეძლევა საშუალება თანამედროვე იარაღად გადააქციოს UZI-S, თუ მას ზემოთ წარმოდგენილი ვერსია რეტრო სტილში არ მოწონს. ლულისქვეშა ტარის - ტიბჟირის მოხსნის შემთხვევაში, მასზე შეგვიძლია განვათავსოთ კომპანია Fab-defence - ის მიერ წარმოებული ლითონის ტიბჟირი, რომელიც სამივე მხრიდან აღჭურვილია პიკატინის ტიპის სამიზნე ხიდებით. მათზე კი ძაან იოლად მოხდება, ფანრის, ლაზერის თუ ხელსაკიდი ტარის დამაგრება. ასევე შესაძლებელია ორიგინალ პოლიმერის ლულისქვედა ტარზე პიკატინის თხელი სამიზნე ხიდის კუსტარულად დამაგრება. ასევე შესაძლებელია სხვა და სხვა მწარმოებლის მიერ შექმნილი განსხვავებული პრინციპის მქონე ზედა სისტემური კოლოფისათვის პიკატინის სამიზნე ხიდის დამაგრება ოფტოელექტრონული მოწყობილობის ან ოფტიკური სამიზნის დასამაგრებლად. ასევე შესაძლებელია სპცეიალურად ლულისათვის წარმოებული სამიზნე ხიდის დამაგრება, რომელსაც ორ მხარეს აქვს პიკატინის სამიზნე ხიდები.
საერთო ჯამში UZI-S წარმოადგენს თავდაცვისათვის იდეალურ მოდელს რომელიც ამავდოროულად საკოლექციო ვერსიაა, დღესდღეობით მსოფლიოში ყველაზე გავრცელებულ ვაზნაზე - 9x19-ზე. მისი ფასი კი თუ მის კონდიციას გავითვალისწინებთ, საქართველოს ბაზრისათვის საკმაოდ მისაღებია - 2100 ლარი.
მწარმოებელი: IMI - Israel Military Industries
მოდერნიზაცია: Zelenysport – Zcech Republic
სისტემა: მოდერნიზებული - ნახევრადავტომატური შაშხანის ტიპი
მოდელი: UZI-S
კალიბრი: 9x19
მჭიდის ტევადობა: 32
კადენცი (მაქსმ. გასროლა): 600 ვაზნა/წუთში
ეფექტური სროლის მანძილი: 200 მეტრი
მთლიანი სიგრძე: 67 სმ
მთლიანი სიგრძე დაკეცილი ტარით: 45 სმ
ლულის სიგრძე: 26 სმ
წონა: 3,5კგ
ფასი: 2100 ლარი |
