ფინური იარაღების მწარმოებლის ისტორია მე-20 საუკუნის დასაწყისში ფინეთის სამეფო რუსეთისაგან 1917 წლის თებერვლის განმათავისუფლებელი რევოლუციით დაიწყო. 1918 წლის 25 თებერვალს პირველი მასიური აჯანყება დაიწყო ფინეთის არმიის მხრიდან. უკვე 1921 წელს ჩამოყალიბდა SAKO - Suojeluskuntain Ase- ja Konepaja Osakeyhtiö - სამოქალაქო გვარდიის უზენაესი აპარატის (გენშტაბის) იარაღებისა და მექანიკური დანადგარების საწარმო. სწორედ ზემოთხენებული სახელწოდებიდან გამომდინარე იტალიელ (Beretta Holding) მეიარაღეებთან ერთად მოხდა შემოკლებული აბრევიატურის გამოყენება და კომპანიისათვის ბრენდული სახელის S.A.K.O. - ს მინიჭება.
პირველ წლებში წარმოება და სათაო ოფისი ფინეთის დედაქალაქში, ჰელსინკში იყო განთავსებული. მათი ძირითადი სამუშაო ძველი, უკვე დანიშნულებისამებრ გამოყენებული იარაღების შეკეთება - მოდერნიზაცია იყო. ხშირ შემთხვევაში კი ეს გახლდათ რუსული წარმოების Mosin Nagant - კალ. 7,62x54mm. ცოტა მოგვიანებით 1927 წელს საწარმო გადაბარგდა ქალაქ რიმეკში - Riihimäki. სწორედ იმ პერიოდში, 30-იან წლებში დაიწყო საწარმომ შვედეთში პისტოლეტის ვაზნების ექსპორტი.
მეორე მსოფლიო ომის პერიოდში „საკო“-ს ქარხანასაც შეეხო კრიზისი. გარდა ამისა ის დაიბომბა საბჭოთა კავშირის ავიაციის მიერ, თუმცაღა დიდი ნაწილი დაზგა დანადგარებისა თუ თავად წარმოებული პროდუცქციისა სხვა და სხვა საწყობებში განლაგების შედეგად გადარჩა და კომპანიამ ომის დასრულების შემდგომ შეძლო კრიზისიდან გამოსვლა. მიუხედავად ამისა საბჭოთა კავშირის საფრთხი ქვეშ და მათი ზეგავლენის შედეგად თავად SAKO-მ და ფინეთის მმართველმა გუნდმა მიიღეს გადაწყვეტილება საწარმოს მშვიდობის მომტანი ხელშეკრულება გაეფორმებინა. მათ გააერთიანეს კომპანია ფინურ „წითელ ჯვართან“ და მმართველი პაკეტის გამოყენების უფლება გადასცეს კომისიას, რომელსაც ხელმძღვანელობდა წარმოშობით რუსი ანდრეი შდანოვი.
კომპანია SAKO 1967 წლამდე რჩებოდა „წითელი ჯვარის“ საკუთრებაში, შემდგომ კი მას ახალი მფლობელი გამოუჩნდა „ფინური კაბელების მწარმოებელის“ - Finnish Cable Works- ის სახით, რომელიც თავისმხრივ იმავე წელს კომპანია „ნოკიაში“ გადაბარგდა.
1987 წელს მოხდა SAKO- სა და VALMET-ის (იმდორინდელი ფინური ფოლადისა და ამავდროულად იარაღების მწარმოებელი) საკმაოდ წარმატებული, ერთობლივი პროექტების გახორციელება.
2000 წლიდან მოყოლებული უკვე კომპანია SAKO გაერთაინდა Beretta Holding - ის ჯგუფში და იტალიელებთან ერთად აგრძელებს წარმატებულ საქმიანობას.
რაც შეეხება SAKO-სა და TIKKA-ს თანამშრომლობას, მას საფუძველი 1981 წელს ჩაეყარა, როდესაც დაიწყო იმდროინდელი პროტოტიპზე მუშაობა და მას შემდგომ ორივე ბრენდი ფაქტიურად ერთ საერთო კომპანიად ჩამოყალიბდა, რომელიც გარანტიაა ხარისხის, სიზუსტისა და რეალურად იმ ღირებულების რასაც ისინი საკუთარ ნაწარმს აფასებენ.
დღესდღეობით კომპანია „საკო“ აწარმოებს მსოფლიოში ერთ-ერთ საუკეთესო შაშხანებს და შესაბამის ამუნიციას, რომელიც აკმაყოფილებს CIP და SAAMI მოთხოვნებს. პროდუქციის აგება ძირითადათ ხდება CNC - კომპიუტერიზირებული დაზგა დანადგარებით, რომლებიც ხშირ შემთხვევებში ვაკუუმში, მაქსიმალური სიზუსტით ახდენენ თითოეული დეტალის აგებასა თუ გამოჭრას. გარდა ამისა ფინელები არ ივიწყებენ ტრადიციულ იმ მეთოდიკას, რომელიც დღემდე აქტუალურ მოთხვონად რჩება და გამართლებულ იარაღის აგების მეთოდს წარმოადგენს.
აღსანიშნავია, რომ ყველაზე მეტად მყიდველებს წარმოდგენილი ბრენდის იარაღებში მოწონთ უტყუარი, ძალზედ სტაბილური ფუნქციონირება და ზუსტი ბალისტიკური მონაცემები. SAKO გარანტიას იძლევა რომ მსროლელმა 5 გასროლით 1 MOA უნდა გააკეთოს. ეს მართლაც რომ იდეალური პირობაა იმისათვის, რათა მყიდველმა არჩვანი სწორედ რომ ფინურ შაშხანაზე გააკეთოს, განსაკუთრებით კი იმ შემთხვევაში როდესაც წამოყენებულ პირობას იარაღი კონკურენტებთან შედარებით მართლაც რომ იდეალურად, თამამად შეიძლება ითქვას, საუკეთესოდ ართმევს თავს.
შევეცდებით მოკრძალებულად წარმოგიდგინოთ MOA-ს მნიშვნელობა. MOA არის Minute of Angle – (კუთხის წუთი) ის შემოკლებული აბრევიატურაა. ოპტიკური სამიზნის ლინზა დაყოფილია 360 ° - ად. საუბარია იმ წრეზე, რომელსაც ვუყურებთ სამიზნეში გახედვისას. ამათთაგან თითოეული გრადუსი დაყოფილია 60 წუთად. შესაბამისად მთლიან წრეში განთავსებულია 60x360=21600.
სასროლი მანძილი = რადიუსს (მანძილს წრეწირის ცენტრიდან კუთხემდე) = 100 იარდი
წრეწირის სიგრძე (ანუ წრის გარშემოწერილობა) = 2 x R (რადიუსი) x P (3.14) = 628.32 იარდი = 22619 ინჩი. შესაბამისად 22619/21600 = 1,047 ინჩს. ანუ, დასკვნა აქედან, რომ 1 MOA - 100 იარდზე-ზე არის 1,047 ინჩი, იგივე 2,65 სმ. ვინაიდან 1 გრადუსი (GRAD) არის წრეწირის 1/360 = 174,5სმ, ხოლო 1 MOA შეადგენს 1 გრადუსის 1/60-ს, გამოდის რომ 1 MOA 100 მეტრზე არის 2,91 სმ.
აუცილებლად გასათვალისწინებელია ერთი მნიშვნელოვანი ფაქტორი, რომ როდესაც 100 იარდზე 1 MOA შეადგენს 1,047 ინჩს, ის 200 იარდზე იქნება 1,047 x 2 = 2.094 ინჩს, 300 იარდზე იქნება 1,047 x 3 = 3.141 ინჩს და ა.შ.
სროლისას, ოპტიკური სამიზნის დოლურების დატრიალების შედეგად შესაძლებელია ბადის დასმა მიზანზე ისე, რომ ვაზნა მოხვდეს ჩვენთვის სასურველ წერტილს, თუ გვეცოდინება ყველაფერი, რასაც მოითხოვს ზუსტი სროლა. მანძილმზომის გამოყენებით, ბალისტიკური კალკულატორის მიხედვით, ვაზნის მონაცემების, დახრის კუთხის, ქარის სიჩქარისა და მიმართულების და ყველა იმ საჭირო ინფორმაციის გაგების შემდგომ უნდა გახორციელდეს სწორედ სიმაღლის (Elevation) და ჰორიზონტზე გადახრის - ქარის (Windage) რეგულირება დოლურების დატრიალების შედეგად. სხვა და სხვა ოპტიკურ სამიზნეს რათქმაუნდა სხვაგვარად აქვს მოწყობილი სისტემა და 1 ბრუნი თავად სამიზნეზე განსხვავებულ მანძილს არაგულირებს. მაგალითად თუ ოპტიკური სამიზნის 1 ბრუნი რეალურად არის 1 MOA, მაშინ მისი დატრიალების შემთხვევაში 100 მეტრზე სამიზნე გადაიწევს 2,91 სმ-ით, ხოლო 100 იარდზე 2,65 სმ-ით. ხშირად ზუსტი სროლისათვის წარმოებულ ოპტიკურ სამიზნეებს აქვთ მაგალითად ½, ¼ ან 1/8 MOA ერთი ბრუნი. ¼-ის შემთხვევაში დოლურის 1 ბრუნი გადაიწევს 100 მეტრზე 2,91/4=0,72 სმ-ით. ხოლო თუ დოლურის 1 ბრუნი შეადგენს 1/8 MOA-ს, მაშინ დატრიალების შემთხვევაში 100 მეტრზე სამიზნე გადაიწევს 2,91/8=0,36 სმ-ით.
ზოგიერთი ოპტიკური სამიზნე წარმოდგენილია მილირადიანებში (MIllrad) ან სანტიმეტრებში (cm). ესეც რომ თვალსაჩინო გავხადოთ, წარმოგიდგენთ მოკლე ინფორმაციულ გამოთვლას მათ შესახებ. ვიცით უკვე რომ 1 MOA 100 მეტრზე = (უდრის) 2,91 სმ-ს. 1 Millrad (3.438 MOA) x 2.91 სმ = 10,00458 სმ - დამრგვალებულად 10 სმ-ს. შესაბამისად გამოდის რომ 0,1 Millrad - ის ტოლი დოლურის დატრიალება არის 1სმ 100 მეტრზე.
დავუბრუნდეთ ყველაზე მთავარს. წარმოდგენილი, ფინელი მეიარაღეების მიერ შექმნილი შაშხანა უშუალოდ შორ დისტანციებზე სასროლადაა აგებული. SAKO 85 Long Range - კალ.338 Lapua Magnum (8.58x70 მმ) - ის დიზაინი და აგებულება სწორედ იმისათვისაა ისეთი, როგორიც მისმა შემქმნელებმა წარმოგვიდგინეს, რომ მფლობელმა შეძლოს არა მარტო შორ დისტანციაზე გასროლის წარმოება, არამედ იარაღის მთაში წაღება, ნადირობა და მხარზე აკიდებული შაშხანით გადაადგილება ისე, რომ სხვა, მსგავსი კალიბრის მქონე იარაღების მსგავსად ზედმეტად არ დაიღალოს და არ გაუჭირდეს შაშხანის შორ მანძილზე ტარება. მას აქვს ყველა ის პროფესიონალური თვისება პროფესიონალი მსროლელისათვის, რაც ამ ტიპის, ზუსტი სროლისათვის შემქნილ შაშხანას უნდა ჰქონდეს. მიუხედავად საგრძნობლად განვითარებული იარაღთმშენებლობისა თუ მსოფლიო ბაზარზე ინდივიდუალური, საცალო იარაღების აგების უამრავი შესაძლებლობებისა, თამამად შეიძლება ითქვას რომ წარმოდგენილ მოდელს არ ჭირდება ზედმეტი ჩარევა, როგორც ეს ამერიკული თუ სხვა და სხვა ევროპული შაშხანების შემთზვევაში აუცილებლობასაც კი წარმოადგენს. ის ქარხნული, სერიული აღჭურვილობითაც ერთ-ერთი საუკეთესოა. მფლობელს შეუძლია მისთის შეიძინოს მხოლოდ ოპტიკური სამიზნე მოწყობილობა ატრიბუტიკითურთ. სურვილის შემთხვევაში კი საყრდენი წინა ფეხები. ეს ყოველივე საკმარისია იმისათვის, რომ ის სამოყვარულო დონის შეჯიბრებებსა თუ უბრალოდ სხვა მსგავსი დანიშნულების მქონე იარაღთან შედარებისას უდავო ფავორიტი იყოს.
შაშხანა მექანიკური, წრფივად მოძრავი ცილინდრული საკეტითაა აღჭურვილი, რომელიც უზრუნველყოფს სიზუსტის იდეალურ გამოვლინებას. მისი თავი ვაზნას სავაზნე არხში 3 წახნაგით კეტავს.
SAKO 85 Long Range კალ. 338 Lapua Magnum - ის ლულის სიგრძე 660 მმ-ს შეადგენს, ხოლო მთლიანი სიგრძე 1250 მმ-ია. შაშხანის ლამინატის იდეალურად დამუშავებული კონდახი უზრუნველყოფს სიზუსტის გაუმჯობესებას სტანდარტულ კონდახებთან შედარებით. მისი სპეციალურად მოპირკეთებული ზედაპირი სტაბილურს ხდის წვიმასა და მსგავს ექსტრემალურ პირობებში თავად კონდახის გამოყენებას სტანდარტული ხის კონდახებთან შედარებით. ზემოთხსენებული ლამინატის კონდახის ფაქტორი სხვათაშორის ერთ-ერთ უმნიშვნელოვანეს როლს თამაშობს ზუსტ სროლაში და დღესდღეობით სპორტსმენები თუ სნაიპერები თანხმდებიან იმ აზრზე, რომ თუ სამხედრო დანიშნულებისათვის მოსახერხებელი შაშხანის ქონის აუცილებლობა არ არსებობს, უმჯობესია ლამინატის კონდახიანი იარაღის შეძენა საუკეთესო ბალისტიკური შედეგების მისაღებად.
აღსანიშნავია, რომ კონკრეტული მოდელის ერთ-ერთი მთავარი უპირატესობა, სხვა მსგავსი მძიმე ლულიან (Heavy Barrel) ვერსიებთან შედარებისას, სიზუსტე და მოხერხებულობაა. SAKO 85 Long Range აღჭურვილია Match Grade - კატეგორიის ლულით. ეს გახლავთ მძიმე ლულათა ჯგუფი, რომელიც შექმნილია იმისათვის, რომ აჩვენოს საუკეთესო, უმაღლესი ხარისხი და მაღალი დონის სიზუსტე. ეს ფრაზა განსაზღვრავს არა მარტო სპორტული შეჯიბრებებისათის დანიშნულებას, არამედ ამ ტერმინს ფართოდ გამოიყენებენ სამხედრო და სხვა ძალოვანი უწყებების წარმომადგენლები - ძირითადათ სნაიპერული დაჯგუფებები.
იარაღის ლულა დაფარულია ზედაპირული არაპრიალი-ბაცი, შავი ჟანგსაწინააღმდეგო საფარით. წარმოდგენილი კალიბრის - .338 Lapua Magnum - ის შემთხვევაში აგებული ლულა 4 ხრახნითაა აღჭურვილი და მისი ხრახნის ბიჯი - TWIST - შეადგენს 1/10“- ს. შესაბამისად ვაზნა 1 ბრუნს ზუსტად 25,40 სმ-ში გააკეთებს. 2.54 სმ-ით ადრე, ვიდრე ამას იგივე მოდელის ლულა ახორციელებს 300 Win.mag. (7,62x67 მმ) - ის ვაზნაზე. ანუ წარმოდგენილი ლულის შემთხვევაში 2 სრული ბრუნის შემდგომ ვაზნას კიდევ მესამე წრეზე წასვლისას მოუწევს 15,2 სმ - ის გავლა - დაახლოებით ბიჯის ნახევარზე მეტის გავლა, რაც სიზუსტეზე რათქმაუნდა საგრძნობლად დადებითად აისახება. ამით იმის თქმა შეიძლება რომ თითოეულ მილიმეტრს თავისი დათვირთვა თუ უპირატესობა აქვს. მისი მთავარი დადებითი მხარე კი მაღალი სიჩქარე ხდება, რომელიც შორ დისტანციებზე უკეთესად ვლიდნება შედეგებში - გასროლისას მიღებულ წრეთაშორის დაჯგუფებებში. წარმოდგენილი მოდელის ლულა რათქმაუნდა ღია ხედვის სამიზნე მოწყობილობით არაა აღჭურვილი, რომელიც საკმაოდ ცუდად მოქმედებს სიზუსტეზე და ზრდის ლულის რეზონანსულ რხევას. გარდა ამისა SAKO 85 Long Range - ის ლულა აგებულია ვაკუუმში, ცივად ჭედვის მეთოდიკის მიხედვით.
ლულა აღჭურვილია სპეციალურად ამ, წარმოდგენილი მოდელისათის აგებული ალმაქრი კომპენსატორით. საერთაშორისო გამოფენაზე ჩვენ პარტნორებთან გასაუბრებისას მათ აღნიშნეს, რომ იმდენად იდეალურად ართმევს თავს წარმოდგენილი ალმაქრი/კომპენსატორი თავისზე დაკისრებულ მოვალეობას, რომ მისთვის ზედმეტია სხვა ვერსიაზე ზრუნვა. მითუმეტეს მაშინ, როდესაც მისი ზომები და ფორმა კარგადაა შერწყმული იარაღს და პრაქტიკულს ხდის გადაადგილებისას თუ ზოგადად მოძრაობისას მის გამოყენებას, განსაკუთრებით კი ნადირობისას.
ნამდვილად ქებას იმსახურებს იარაღის კალიბრი - 338 Lapua Magnum, რომელიც მისმა შემქმნელებმა სწორედ რომ იდეალურად შეურჩიეს შაშხანას. თამამად შეიძლება ითქვას, რომ ის გახლავთ შორ დისტანციებზე, მსოფლიოში ერთ-ერთი საუკეთესო, ყველაზე გავრცელებული ვაზნა 1 კმ-ზე უფრო შორს მომუშავე სნაიპერულ ვაზნებს შორის და ერთ-ერთი ყველაზე საყვარელი ვაზნა სნაიპერებისათვის.
საერთო ჯამში SAKO 85 Long Range - ის მფლობელმა თამამად შეიძლება იამაყოს იდეალური, თავის კლასსა და ღირებულებაში საუკეთესო შაშხანის მფლობელობით. რაც შეეხება მის უპირატესობებს სხვა, ზოგადად კონკურენტ მოდელებთან მიმართებაში, ესენი გახლავთ უპირველესყოვლისა უზუსტესი, საუკეთესო ბალისტიკური მონაცემები, შესრულების მაღალი ხარისხი და წონა, რომელიც მის კონკურენტებში ნამდვილად იშვიათია!.. გარდა ამისა არის სხვა ნიუანსებიც, რომელიც შესაძლოა უკვე უშუალოდ მყიდველის გემოვნებაზე იყოს დამოკიდებული. |
