| ტიპი: |
ნახევრად ავტომატური |
| მოდელი: |
TT C |
| კალიბრი: |
7,62x25 Tokarev |
| წონა: |
0.850 kg. |
| ვაზნების რაოდენობა: |
7+1 |
| კოდი: |
2920 |
TT გახლავთ საბჭოთა ხელისუფლებისათვის (CCCP) პირველი ნახევრადავტომატური, თვითმტენი ფისტოლეტი, რომლის პროექტიც შემუშავდა იმდროინდელი არმიისათვის 1930 წელს კოსნტრუქტორ ფეოდორ ტოკარევის მიერ. ახალი იარაღის წარმატებული ტესტრიებებისა და პრაქტიაში დადებითი შეფასებების შემდგომ უკვე რეალურად, ეტაპობრიდავ დაიწყო Nagant - ის რევოლვერების ჩანაცვლება TT-ს პისტოლეტებით. გარკვეული პერიოდის გასვლის შემდგომ კი თავად TT-ც ჩანავლებულ იქნა Makarov - ის ფისტოლეტით. თუმცაღა Makarov-ის გამოჩენამ ზემოთხსენებული TT-ს მაგივრად ბევრად უფრო მეტი უკმაყოფილება გამოიწვია იარაღით დაინტერესებულ საზოგადოებაში, ვიდრე თავად TT-ს გამოჩენამ Nagant-ის ნაცვლად. დღემდე ბევრი იარაღის მოყვარულისა თუ პროფესიონალის აზრები იყოფა და TT-ს ენიჭება უპირატესობა. რეალურად წარმოდგენილ ფისტოლეტს, ისე როგორც ნებისმიერ სხვა იარაღს მსოფლიოში, აქვს თავისი დადებითი კრიტერიუმები და რათქმაუნდა უარყოფითი მხარეებიც. ამ ორივეს ერთად ცოდნის შედეგად უკვე თამამად შეიძლება საიმედო არჩევანის გაკეთება, რომლის შემდგომაც მყიდველი არ ინანებს იარაღის შეძენას.
TT სხვა და სხვა ქვეყნებში მზადდებოდა სხვა და სხვა სახელწოდებით გამოდიოდა სერიულ წარმოებაში. თავად რუსეთში კი მისი დამზადება ძირითადათ ხორციელდებოდა ტულის ქარხანაში (TOZ - Тульский Oружейный Завод). თუმცაღა მას გარკვეული პერიოდის განმავლობაში თანამემამულე „იჟევსკიც“ აწარმოებდა და ბევრი პროფესიონალი მეიარაღისა თუ ინსტრუქტორის აზრით ითვლება რომ სწორედ რომ „იჟევსკის“ მიერ წარმოებული პისტოლეტები უფრო უკეთესი იყო „ტულის“ მიერ წარმოებულ ვერსიებზე. მათი გარჩევა კი ყველაზე სწრაფად და მარტივად დამღის მეშვეობით ხდებოდა.
ზოგადად TT ბრაუნინგის მიერ შექმნილი ნახევრადავტომატური პისტოლეტის - FN Model 1903 - კალ. 9x20 mm - ის ბაზაზე იქნა აგებული. თუმცაღა ვაზნა ტოკარევს იმავე ვერსიისაგან არ აუღია. ის გერმანული Mauser C96 კალ. 7,63x25 mm- ის ვაზნების ბაზაზე აიგო და ასე შეიქმნა TT - კალ. 7,62x25 mm.
წარმოდგენილი ფისტოლეტები წარმოადგენენ უხმარ, ყოფილი საბჭოთა კავშირის მიერ წარმოებულ სამხედრო ვერსიებს, რომელთაც სამოქალაქო დანიშნულების სერტიფიკატი მიენიჭა ევროპაში და შემდგომ მოხდა მათი რეალიზაცია ჩვენს ბაზარზე. საკონსერვაციო სითხით გაჯერებული TT-ს გახსნისას, განსაკუთრებით რეტროს ტიპის იარაღების მოყვარულებისათვის სასიამოვნოა ნახევარი საუკუნის წინ წარმოებული, უხმარი ფისტოლეტის ამოღება, დათვალიერება თუ გასროლა. გარდა ამისა ნამდვილად სასიამოვნოა მასში არსებული FN-1903 - ის, ფრანგული შარლ პიტერის M1935-ისა თუ COLT-1911-ის ელემენტების ხილვაც. მისი დაშლა სწორედ რომ 1911-ს წააგავს და მას შედგომ რაც მოვხსნით გვერდში არსებულ ფოლადის ჩხირს, დამშვებ დამრტყმელი მექანიზმის - ზედა სისტემური კოლოფის მოხსნა ლულის სანათურთან არსებული რკინის ფირფიტის დატრიალებითა და მოხსნით ხორციელდება.
TT-ს ლულა ხსნადია და მყარად მიმარგებული არ არის სისტემაზე. წმენდისას სასურველია დაიშალოს და ისე გაიწმინდოს მისი ლულაც და სისტემაც. დაშლისას უმალვე თვალში მოგვხვდება მისის სასხლეტი მექანიზმის სიმარტივე, რომელიც ყოველგვარი ძალის დატანებისა და ჭანჭიკების მოშვების გარეშე ამოდის სისტემური კოლოფიდან. ფისტოლეტის ზამბარა საკმაოდ გრძელი და ძლიერია, რომელიც ჩასმისას ცოტა რთულად ჯდება მისთვის განკუთვნილ ჭრილებში.
პისტოლეტის მუშაობის პრინციპი ძალიან მარტივია. მისი ნახევრადავტომატური, ინერცილი, ლულის მოკლე ბიჯიანი დამაბრუნებელი სისტემა ვაზნის გასროლას და შემდგომ მის გადატენვას სასხლეტზე ერთჯერადი თითის გამოკვრის შედეგად ახორციელებს. წარმოდგენილ მოდელებს დამცველი ღილაკი დამატებით არ გააჩნიათ. TT-s დაცვაზე დაყენება მისი ჩახმახის ოდნავ გადმოწევითაა შესაძლებელი, რომელიც ბოლომდე არ უნდა მოქაჩოს მსროლელმა. ეს პრინციპი იმ დორისათვის საკმაოდ საიმედო და გამართლებულ სისტემად ითვლებოდა.
მიუხედავად იმისა რომ TT-ს უამრავი განსხვავებული ვერსია იწარმოებოდა სხვა და სხვა ყვეყნებში, თავად რუსული ვერსიებიდან ძირითადათ ორ ვერსიას გამოყოფენ და განასხვავებენ ერთმანეთისაგან. ესენია ომამდელი წარმოების და ომის შედმგომი წარმოების ვერსიები. რეალურად მათი განსხვავება ძირითადათ დიზაინშია. ერთი შეხედვით უმალვე თვალში მოგვხვდება ომამდელი ან ომის დროინდელი მოდელის ფართე ჭრილები სისტემური კოლოფის უკანა მხარეს, რაც მის შემდგომ თაობას უფრო წვრილი და ხშირი აქვს. დიზაინის სხვა ჭრილებშიც არის პატარ პატარა სხვაობები. საერთო ჯამში ორივე იარაღი ერთნაირად მუშაობს და იზიარებს იმ უარყოფით და დადებით მხარეებს რაც წარმოდგენილ იარაღს ახასიათებს. საბენდიეროდ კი მას დადებითი მხარეები ბევრად მეტი აქვს ვიდრე უარაყოფითი. სწორედ ამიტომ რჩება დღემდე ძალიან ბევრი იარაღის მოყვარულის ერთ-ერთ განუყრელ „მეგობრად“. |
