Georgian Defense Ordnance დამზადებულია საქართველოში - შექმნილია მათთვის, ვინც გვიცავს
ქართული საინჟინრო ხედვა, პრემიუმ ხარისხი და ახალი სტანდარტი AR-15-ის პლატფორმაზე:
ქართული ბრენდის - Georgian Defense Ordnance - ის პროექტის გახორციელება დაახლოებით 2 – 3 წელი მიმდინარეობდა და ბევრ საერთაშორისო პარტნიორთან მოხდა მოლაპარაკებების წარმოება. საბოლოოდ კი ფასისა და ხარისხის მაქსიმალურად ეფექტურად გაერთიანების შედეგად მოხდა უკვე პროექტის გახორციელება და შემდგომ უკვე წარმატებით დასრულება.
GEO-15 არის ქართული ბრენდის, AR-15-ის პლატფორმაზე შექმნილი თვითდამტენი შაშხანა, რომელიც განვითარდა Georgian Defence Ordnance (GDO)-ის სახელით და პროექტის შემქმნელები არიან ავთანდილ ფარადაშვილი, თეიმურაზ ქოჩიშვილი და ნუგზარ ფარადაშვილი, კომპანია „Caravani+“ LTD-ის ხელმძღვანელები, რომელთაც იარაღის ინდუსტრიაში მრავალწლიანი (1998 წლიდან) პროფესიული გამოცდილება აქვთ. გარდა ამისა პროექტის გახორციელებაში დიდი წვლილი შეიტანეს ჩვენმა პოლონელმა და ამერიკელმა პარტნიორებმა. ამასთან დიდი როლი ითამაშეს აღნიშნული შაშხანების პროექტის წარმატებაში ჩვენი გუნდისა თუ ზოგადად ქართულ მეიარაღეთა სეგმენტში მოღვაწე წამყვანმა სპეციალისტებმა.
GEO-15-ის შექმნის საფუძველი გახდა არა უბრალოდ ქართული სახელწოდების მქონე იარაღის წარმოების სურვილი, არამედ გაცილებით მნიშვნელოვანი მიზანი — ისეთი პროდუქტის შექმნა, რომელიც მაღალი კლასის საერთაშორისო შაშხანებს გაუწევდა კონკურენციას როგორც ტექნიკური კომპლექტაციითა და ხარისხით, ისე ფასით.
როგორ გაჩნდა GEO-15-ის იდეა:
GEO-15-ის კონცეფცია ჩამოყალიბდა საქართველოს იარაღის ბაზარზე მრავალწლიანი დაკვირვებისა და პრაქტიკული გამოცდილების შედეგად. ჩვენი გუნდის შეფასებით, საქართველოში წარმოდგენილი თითქმის ყველა მწარმოებლის AR-15-ის ტიპის შაშხანა, იშვიათი გამონაკლისების გარდა, საჭიროებდა დამატებით მოდიფიკაციასა და გაუმჯობესებას. ხშირად მომხმარებელს უწევდა სტანდარტული ქარხნული კომპონენტების შეცვლა უფრო მაღალი კლასის სასხლეტი მექანიზმებით, კონდახებით, სახელურებით, მართვის ელემენტებითა და სხვა აქსესუარებით. ეს პროცესი მოითხოვდა დამატებით ფინანსურ დანახარჯებს, დროსა და ტექნიკურ მომსახურებას. შედეგად, თავდაპირველად შედარებით ხელმისაწვდომი შაშხანის საბოლოო ღირებულება მნიშვნელოვნად იზრდებოდა. სწორედ ამ გარემოებამ წარმოშვა
GEO-15-ის მთავარი იდეა:
რატომ უნდა გადაიხადოს მომხმარებელმა დამატებითი თანხა იარაღის გასაუმჯობესებლად, როდესაც შესაძლებელია თავიდანვე შეიქმნას სრულად დაკომპლექტებული, მაღალი კლასის შაშხანა გაცილებით მისაღებ ფასად?..
GEO-15-ის მიზანი იყო სწორედ ისეთი AR-15-ის შექმნა, რომელსაც შეძენის შემდეგ აღარ დასჭირდებოდა ძვირადღირებული კომპონენტების ჩანაცვლება და დამატებითი მოდერნიზაცია. მომხმარებელს უნდა მიეღო პრემიუმ კომპლექტაციის მზა პროდუქტი, რომელზეც საკუთარი არჩევანის ოპტიკური სამიზნის დაყენების შემდეგ შეძლებდა პირდაპირ სროლის დაწყებას. ამასთან შაშხანა უნდა ყოფილიყო ინსპექტირებული ერთეულის დონეზე. ანუ, შესაბამისად თითოეული მათგანის ინსპექტირება უნდა მომხდარიყო აყობის შემდგომ, რაც ჯამში შედეგად მოგვცემდა custom rifle - ის პრიორიტეტებს.
GEO-15-ის პროექტის განხორციელებისას განსაკუთრებული ყურადღება დაეთმო კომპონენტების მწარმოებლების შერჩევას. კონცეფცია ითვალისწინებდა საერთაშორისო ბაზარზე ცნობილი კომპანიების პროდუქციის გამოყენებას, მათ შორის:
- WBP (პოლონეთი) — ცეცხლსასროლი იარაღისა და მისი კომპონენტების მწარმოებელი.
- Fabryka Broni (პოლონეთი) — პოლონეთის ისტორიული იარაღის მწარმოებელი - სახელმწიფო კომპანია.
- TriggerTech (კანადა) — მაღალი კლასის სასხლეტი მექანიზმების მწარმოებელი.
- Bravo Company Manufacturing — BCM (აშშ) — AR-15-ის პლატფორმის კომპონენტებისა და აქსესუარების მწარმოებელი.
- Magpul (აშშ) — ერგონომიული და ფუნქციური იარაღის აქსესუარების მწარმოებელი.
პროექტის ერთ-ერთი მნიშვნელოვანი პრინციპი იყო თურქული და ჩინური წარმოების კომპონენტების არგამოყენება და მათზე თავიდან ბოლომდე უარის თქმა.
მართვის მექანიზმები და ერგონომიკა:
ორმხრივი მართვის ელემენტები გათვალისწინებულია მარჯვენა და მარცხენა ხელით სარგებლობის მოხერხებულობისთვის, ხოლო გაფართოებული მჭიდის მიმღები — მჭიდის უფრო კომფორტული შეცვლისთვის. TriggerTech-ის სასხლეტი მექანიზმის გამოყენება წარმოადგენს GEO-15-ის პრემიუმ კომპლექტაციის ერთ-ერთ მნიშვნელოვან ელემენტს ზუსტი გასროლის გახორციელების თვალსაზრისით. მისი მეშვეობით შევძელით და ტესტირებისას მივიღეთ 0,8 დან 1 MOA სტაბილურად, რაც ზემოთხსენებული სასხლეტის გარეშე შეუძლებელი ან მინიმუმ ძალიან რთული იქნებოდა პროფესიონალი მსროლელის ხელშიც კი...
ინდივიდუალური აწყობა და ხარისხის კონტროლი:
GEO-15-ის კონცეფციის ერთ-ერთი ყველაზე მნიშვნელოვანი განმასხვავებელი ნიშანი მისი აწყობისა და შემოწმებისადმი ინდივიდუალური მიდგომაა. პროექტის თავდაპირველი ჩანაფიქრი არ შემოიფარგლებოდა მხოლოდ მაღალი ხარისხის კომპონენტების შეძენითა და ერთ სისტემაში გაერთიანებით. გათვალისწინებული იყო თითოეული შაშხანის ადგილზე ინდივიდუალური აწყობა, კომპონენტების ხელახალი შემოწმება და სრული ტექნიკური ინსპექტირება. ამ მიდგომის მიზანი იყო სერიული პროდუქტის წარმოების უპირატესობების გაერთიანება იმ ყურადღებასთან, რომელიც დამახასიათებელია ინდივიდუალურად აწყობილი, მაღალი კლასის იარაღისთვის. განსაკუთრებული მნიშვნელობა ენიჭებოდა კომპონენტების ხარისხს, კონსტრუქციულ შესაბამისობას, მექანიზმების ფუნქციონირებასა და საბოლოო პროდუქტის ტექნიკურ მდგომარეობას.
პროექტის ფარგლებში გახორციელდა Mil-Spec მოთხოვნებთან შესაბამისობის შიდა შემოწმებებიც.GEO-15-ის კონცეფციაში ხარისხის კონტროლი განიხილება არა როგორც დამატებითი მომსახურება, არამედ როგორც თავად პროდუქტის განუყოფელი ნაწილი. პირველ რიგში ლულას დაეთმო დიდი ყურადღება, რომელიც 4140 ფოლადის, სამხედრო სტანდარტების მიხედვით არის შექმნილი და მისი სავაზნე არხი მოჭრილია 5,56x45mm NATO - ს სტანდარტიზაციის მიხედვით.
პრემიუმ კლასის პროდუქტი ხელმისაწვდომ ფასად:
GEO-15-ის ერთ-ერთი მთავარი კომერციული უპირატესობა მისი კომპლექტაციისა და ფასის თანაფარდობაში მდგომარეობს. მიზანი თავიდანვე იყო ისეთი შაშხანის შეთავაზება, რომელიც პრემიუმ სეგმენტისთვის დამახასიათებელი კომპონენტებით იქნებოდა აღჭურვილი, მაგრამ მისი ფასი ანალოგიური კომპლექტაციის საერთაშორისო ბრენდების პროდუქტებთან შედარებით მნიშვნელოვნად უფრო მისაღები იქნებოდა. ეს მიდგომა მომხმარებელს აძლევს შესაძლებლობას, თავიდანვე მიიღოს სასურველი კომპლექტაცია, დამატებითი მოდიფიკაციების დაგეგმვისა და შესაბამისი ხარჯების გარეშე.
GEO-15-ის კონცეფციის მიხედვით, შაშხანა მზად უნდა იყოს გამოყენებისთვის და მომხმარებელს მხოლოდ საკუთარი საჭიროებების შესაბამისი ოპტიკური სამიზნის შერჩევა და მონტაჟი დასჭირდეს.
ქართული ბრენდი საერთაშორისო სტანდარტების ამბიციით:
GEO-15 მხოლოდ კომერციული პროექტი არ არის. იგი გამოხატავს ქართველი სპეციალისტების მცდელობას, მრავალწლიანი პროფესიული გამოცდილება, პატიოტიზმი, საერთაშორისო ტექნოლოგიური კომპონენტები და ხარისხის კონტროლის ინდივიდუალური მიდგომა გააერთიანოს ქართული ბრენდის ქვეშ.
პროექტი ასევე ასახავს ხედვას, რომ ქართულ კომპანიას შეუძლია შექმნას საკუთარი იდენტობის მქონე პროდუქტი, რომელიც არ იქნება ორიენტირებული მხოლოდ დაბალ ფასზე, არამედ პირველ რიგში ხარისხზე, კომპლექტაციასა და მომხმარებლისთვის რეალურ ღირებულებაზე.
GEO-15-ის მნიშვნელობა სწორედ ამ მიდგომაშია: მომხმარებლის საჭიროებებიდან გამომდინარე შექმნილი პროდუქტი, რომლის ტექნიკური კონფიგურაცია თავიდანვე განსაზღვრულია მაღალი მოთხოვნების დასაკმაყოფილებლად.
GEO-15-ის ფილოსოფია:
GEO-15 შეიქმნა კონკრეტული პრობლემის გადასაჭრელად — მომხმარებელს აღარ უნდა დასჭირვებოდა სტანდარტული შაშხანის შეძენა და შემდეგ მისი ძვირადღირებული გაუმჯობესება. ამ იდეის განხორციელებამ გააერთიანა ოთხი ძირითადი პრინციპი: პრემიუმ კომპონენტები, სრული კომპლექტაცია, ინდივიდუალური ხარისხის კონტროლი და ხელმისაწვდომი ფასი.
GEO-15-ის მთავარი მიზანი იყო ისეთი შაშხანის შექმნა, რომლის შეძენისას მომხმარებელს აღარ გაუჩნდებოდა კითხვა — „კიდევ რა უნდა შევუცვალო ან გავაუმჯობესო?“
GEO-15 — შექმნილია მათთვის, ვინც გვიცავს - ქართული ბრენდი და პრემიუმ კლასის სრულყოფილი კომპლექტაციის ფილოსოფია…
