1957 წელს ლულების ოსტატმა, ჰორსტ ბლაზერმა იარაღების წარმოების დაწყება განიზრახა. მისი ეს გადადგმული ნაბიჯი ერთ-ერთი სერიოზული განაცხადი გახლდათ სანადირო იარაღების ინდუსტრიაში. მან დაამზადა იმ დროისათვის ყველაზე გაყიდვადი, საკმაოდ საიმედო და მსუბუქი დრილინგი Blaser Diplomat - ის სახით. ამ წლიდან დაიწყო კომპანიის ბრენდად ჩამოყალიბება, კარიერული წარმატებები და ჭეშმარიტად, ერთ-ერთი უნაკლო იარაღის — „ბლაზერის“ აღმასვლა. დროთა განმავლობაში კომპანიამ ჩამოაყალიბა იდეოლოგია, რომელიც გახდა მომავლისათვის მათი დევიზიც და ერთგვარი რეკლამაც. 5 წესი, რომელსაც Blaser — იცავს, ყველგან შეგხვდებათ, ინტერნეტში, ჟურნალ გაზეთებსა თუ მისსავე გამოცემულ ბროშურებსა და წიგნებში. რაც უფრო მარტივია იარაღი, რაც უფრო ცოტა დეტალი აქვს და ამ ყველაფერთან ერთად საიმედო, მაღალი ხარისხის პროდუქციაა, მით მეტად ფასობს. ნადირობა ძალზედ ინდივიდუალური საკითხია. ამ დროს მასზე გავლენა აქვს ყოველთვის განსხვავებულ ხასიათს. თითოეული მოქმედებს საკუთარი ინსტინქტისამებრ და იღებს საკუთრივ გადაწყვეტილებებს. რა თქმა უნდა იარაღის არჩევანსაც ხასიათიდან გამომდინარე აკეთებენ. მაგრამ არსებობენ კომპანიები და იარაღები, რომლებიც გამონაკლისების გარდა თითქმის ყველას მოსწონს, ასაკისა და სქესის განურჩევლად...
„Blaser“-ის ხუთი ტრადიციული წეს-ჩვეულება:
1. საიმედოობა
2. სიზუზტე
3. სარწმუნო, გარანტირებული ფუნქციონირება
4. წამყვანი როლი მსოფლიო ბაზარზე
5. მრავალფეროვნება
უკვე ათეული წლებია ზემოთხსენებულმა იარაღმა ქართველ მონადირეთა და პროფესიონალთა დიდი მოწონება დაიმსახურა და უკვე ბევრმა მათგანმა გადაწყვიტა მისი შეძენა. მისი ამჟამინდელი მფლობელები ძირითად შემთხვევებში ტრადიციების მოყვარული, გამოცდილი მონადირეები არიან, რომლებიც არჩევანს აკეთებენ ტრადიციებისა და თანამედროვეობის შერწყმაზე. იარაღზე, რომელიც იქნება ნადირობისათვის საუკეთესო ყველა კრიტერიუმით.
Blaer R8-ის საკეტი მექანიზმის მოხსნა-დაყენებისას სახეზეა იდეალური სტრუქტურული აგებულების მქონე უმარტივესი მექანიზმი. მის შემთხვევაში არასაიმედო მუშაობის ფაქტორი გმორიცხულია და აქცენტი გაკეთებულია უკვე ესთეთიკურ სილამაზეზე. მაგალითად საკეტის ზოგიერთ ვერსიას თავი ოქროსფრად აქვს მოპირკეთებული და მართლაც რომ საოცრად ლამაზია.
.7 mm Remington - ის ყალიბი სოწრედ რომ განსხვავებული და ორიგინალური იდეოლოგიის მქონე მომავალი მეპატრონისათვის შეირჩა. ეს გახლავთ ვაზნა - 7,2x64 მმ, რომელიც ამერიკელების ერთ ერთ საყვარელ მოდელს წარმოადგენს ზუსტი სროლის კუთხით. ამავდროულად ის საგძნობლად ეფექტური ნადირობისას და იმ კონკრეტულ ნადირს, რისთვისაც ის არის გათვლილი საგრძნობლად ეფექტურად ერევა. 7 მმ რემინგტონ მაგნუმი არც 308 Win -ი და არც 300 –Win.Mag. - ია. თუმცაღა ამ ორივე, ზემოთხსენებული ვაზნის გარკვეული დადებითი კრიტერიუმები სწრედ რომ მასშია გაერთიანებული.
სინთეტიკური მასალისაგან შექმნილი კონდახი საგრძნობლად ერგონომიულია და ეს ერთ ერთი მთავარი ფაქტორია რაც გერმანელებს აშკარად სხვებზე კარგად გამოსდით. ხელში აღებისას უმალვე იგრძნობს მსროლელი იარაღს, მოირგებს მას და ორთოპედიული ჭრილებითა და ხაზებით გაწყობილი აგებულება დაეხმარება დაბალანსებასა და სწრაფ დამიზნებაში. შაშხანის დამცველი ღილაკი იარაღს ყველაზე მოხერხებულ ადგილას, სისტემური კოლოფის ზედა, უკანა ბოლოში - ყელში აქვს განთავსებული.იარაღის მხარზე მიყრდნობისას მასზე ცერა თითის დაჭერა და ზემოთ აწევა ძალზედ პრაქტიკულია და აღნიშნული მოქმედების განხორციელებისას, ზოგიერთი შაშხანისაგან განსხვავებით, არავითარი ზედმეტი ძალის დახარჯვა არაა საჭირო. რაც აუცილებლად აღსანიშნავია, ის ისე სრიალებს რომ საერთოდ არ იწვევს ხმაურს, რაც რიგ შემთხვევებში, როდესაც სიჩომე უმნიშვნელოვანეს როლს თამაშობს, არნიშნული ფაქტორი საწინდარია უკეთესი ნადირობისა. მსგავს ფუნქციას დიდი ყურადღება ექცევა გარკვეულ ცბიერ და გონიერ ცხოველებზე სროლის შემთხვევაში, რათა მსხვერპლმა არ გაიგოს მექანიზმის ხმა — ადამიანის იქ ყოფნა.
გადატენვისას როგორც წესია Blaser — ი თავად დგება დაცვაზე. რათა მაქსიმალურად გამორიცხულ იქნას უბედური შემთხვევა. ხოლო თუ დამცველი ზემოთ ავწიეთ და მოვემზადეთ ცეცხლის საწარმოებლად, მაინც იოლად ხდება იარაღის განმუხტვა. ამისათვის იმავე ღილაკს კვლავ მივწევთ მაღლა, რის შედეგადაც ის თავად ჩამოსრიალდება ბოლომდე ქვემოთ და დადგება დაცვაზე.
ერთი ერთი მთავარი დადებითი თვისება, რაც ბლაზეს კონკურენტებისაგან გამოარჩევს გახლავთ მისი მჭიდისა და სასხლეტი მექანიზმის ერთობლიობა. ის რეალურად ერთ-საერთო დეტალს წარმოადგენენ, რის ხარჯზეც შემცირებულია წონა და სიგრძე და გაზრდილია სწრაფად მოქმედების, გასუფთავებისა თუ იოლად დაშლის ფაქტორი. სასხლეტის ბუდის თავში-სისტემური კოლოფის შუა ნაწილის ქვედა მხარეს განთავსებულია მჭიდის გამომღები ღილაკები. როგორც მარჯვენა, ასევე ცაციებისთვისაც — მარცხენა მხარეს. ეს ყოველივე იმდენად მოხერხებულადაა აგებული და მოფიქრებული, რომ გამორიცხულია მჭიდის გამომღების ან სასხლეტი მექანიზმის სწრაფი მწყობრიდან გამოსვლა ან მისი დაკარგვა.
რაც შეეხება ლულის დამაგრებას, მსგავსი მარტივი და ამავდროულად უნაკლო სისტემა ალბათ ძალზედ რთული შესაქმნელია, ბევრისათვის კი შეუძლებელიც. ლულის ჩასმისას, როდესაც მას მოვარგებთ იარაღის დანარჩენ ნაწილს, ლულისქვეშა კონდახის შუაში განთავსებულ ჭანჭიკს მოვუჭერთ. ის კონდახშია დაფიქსირებული და მოშვება-მოჭერის მიუხედავად გარეთ არ გამოდის. ეს წინაპირობაა იმისა, რომ დეტალი მუდამ დაცული იქნება დაკარგვისაგან. მისი დატრიალება კი ხდება კომპლექტაციაში არსებული ექვსკუთხა სახრახნი ხელსაწყოთი, რომელიც სულ უბრალო სერიულ ვერსიასაც მოყვება. ყალიბის შეცვლა ხდება გარკვეულ შემთხვევებში მხოლოდ ლულის გამოცვლით, ხოლო თუ არჩევანი კეთდება ორ რადიკალურად განსხვავებული ყალიბებზე, რომლის ზომებიც მკვეთრად განსხვავდება ერთმანეთისაგან, აუცილებელია საკეტი მექანიზმის-საკეტის მბრუნავი თავის გამოცვლაც. ამ ყველაფერს ემატება ის ფაქტიც რომ ქარხანა ლულებს მხოლოდ და მხოლოდ ცივად ჭედვის ტექნოლოგიების მეშვეობით ამზადებს. სწორედ ისე როგორც ამას სხვა წამყვანი გერმანული კომპანიები აკეთებენ.
Blasé R8-ის მთავარი მშვენება სწორედ რომ მისი საკეტი მექანიზმი გახლავთ. მსგავსი ტიპის საკეტი პირველად Balser Jagdwaffen GMBH — მა შექმნა. მანამდე ის ამშვენებდა შაშხანას-სახელწოდებით Blaser R93. საკეტის სახელურზე ხელის მოკიდებისას და უკან მოწევისას ის მოძრაობს ლულის სიგრძივ და სულ რაღაც 5 გრადუსით იწევა — იხსნება და მოძრაობს სიგრძივ და არა წრფივად. ამ პროცედურის შესრულებისას კი გახნის კუთხე ფაქტიურად ნულის ტოლია. საიდუმლო კი იმაშია რომ თვითონ მექანიზმში განთავსებული სისტემა ბრუნავს, ატრიალებს გაღებისას თავს, რომელსაც გამოაქვს ვაზნა სავაზნიდან. დახურვისას კი მჭიდიდან სისტემურ კოლოფში მიწოდებული ვაზნა მიაქვს კვლავ ლულაში არსებულ სავაზნეში. მისი მოხნსა დაშლისას ან ყალიბის შეცვლისას ძალიან მარტივია. ვაღებთ საკეტს ბოლომდე და ირაღის ქვედა, სისტემურ ბუდეზე განთავსებულ პატარა ღილაკზე თითის დაჭერით ის მთლიანად სცილდება შაშხანას. მისი შექმნის მთავარი არსი და იდეოლოგია მდგომარეობდა სისწრაფეში. ანუ იარაღს ჩვეულებრივ „ბოლტთან“ - კონკურენტ ცილინდრული საკეტის მქონე შაშხანასთან შედარებით ბევრად მალე უნდა განეხორციელებინა ვაზნის გადატენვა. მისი შექმნით კი შედეგი მიღწეულ იქნა. შემცირდა და გამარტივდა გადატენვისას ხელის მოქმედების მანძილი. აღსანიშნავია თავდაპირველად კრიტიკოსებისა და იარაღთმცოდნეების ქარცეცხლი დაატყდა თავს ზემოთხსენებულ პრინციპის სისტემას. მთავარი ბრალდება კი ის გახლდათ, რომ მექანიზმი რატომღაც არასაიმედო იქნებოდა და კრიტიკულ პირობებში ვერ განახროციელებდა ვაზნის გადატენვის პოცესს გამართულად. „ბლაზერი“ კი რის „ბლაზერი“ იყო ყველაფერი რომ არ გაეთვალისწინებინა. სულ ცოტა ხანში ყველა კარგად გაერკვა მის უნიკალურობაში და საიმედო მუშაობაში. უფრო მეტიც, გარკვეული პერიოდის მერე შაშხანამ მოიპოვა სხვადასხვა მნიშვნელოვანი ჯილდოები და შეიქმნა გამოცდილ ბრენდათ, რომელიც ერთ ერთი საუკეთესოა საუკეთესოთა შორის...
მწარმოებელი: Blaser Jagdwaffen GMBH
მოდელი: R8 Proffessional Success
ყალიბი: 7 mm Remington Magnum (7,2x64)
ლულის სიგრძე: 65 სმ
სისტემა: მექანიკური ცილინდრული საკეტი (სიგრძივ მოძრავი სისტემა)
მჭიდის ტევადობა: 3+1
წონა: 3,3კგ |
