| ტიპი: |
ნახევრად ავტომატური |
| მოდელი: |
raffaello pasion |
| კალიბრი: |
12/76 |
| ლულის სიგრძე: |
71 |
| ჩოკი: |
ცვლადი |
| წონა: |
3,1 |
| ვაზნების რაოდენობა: |
4+1 |
| კოდი: |
|
იტალიური, ლეგენდარული კომპანიის, Benelli-ს ქარხანა (BBI - Beretta Benelli Iberica), რომელშიც წარმოდგენილი მოდელი Benelli Raffaello Pasion მზადდება, განთავსებულია ესპანეთში, ბასკების დედაქალაქთან, ბილბაოსთან არც თუ ისე შორს, ქალაქ ვიტორიაში. იქ მაცხოვრებელი ხალხი თავისი ელიტით, კულთურითა თუ შრომისმოყვარეობით მთელი ევროპისათვისაა ცნობილი. აღსანიშნავია ისიც, რომ ბასკებს თუ თავად ადგილზე არსებულ ბევრ გარემოებას ძველ ქართველებს ან ძველ ქართულს ამსგავსებენ.
იტალიური მწარმოებელთა ჯგუფი - Beretta Holding წარმოდგენილ მოდელის Benelli Raffaello Pasion- ს წარმოებას ახორციელდბს ყველასათვის კარგად ცნობილი, საკმაოდ წარმატებული მექანიზმის - ინერციული სისტემის გამოყენებით. გარდა ამისა BBI - წარმოადგენს გუნდს, რომელიც ახორციელებს Beretta Holding - ის პროდუქციის რეალიზაციას თავის კუთვნილ ბაზარზე.
წარმოდგენილი მოდელი როგორც უკვე აღვნიშნეთ, ესპანეთშია წარმოებული. თუმცაღა ზოგ შემთხვევაში ისინი აღჭურვილია იტალიში, „ბენელის“ ქარხანაში წარმოებული ლულებითაც. რაც მიუთითებს იმაზე, რომ არავითარი პრიორიტეტული მნიშვნელობა არ ენიჭება იტალიაში წარმოებულ ვერსიას, რადგანაც ტექნოლოგიურად და მასალის მიხედვითაც მათი ლულები ესპანეთშიც და იტალიაშიც ერთნაირად მზადდება.
Benelli-ს მთავარი უპირატესობა როგორც ყოველთვის გახლავთ მისი ინერციული მექანიზმი, სრაფად ხსნად სისტემურ კოლოფთან ერთად. თოფი ვაზნების გადატენვის პროცედურას კინემატიკური ენერგიის ხარჯზე ახორციელებს და ინერციული ძალის გამოყენების შედეგად ახდენს ვაზნების მჭიდიდან ლულაში მიწოდებას. შედეგად, აირებით მტენ ვერსიებთან შედარებისას იზრდება საფანტის, ფინდიხისა თუ ტყვიის სროლისას ენერგია - მოხვედრისას ძალა.
რათქმაუნდა გარკვეული კრიტემიუმებით შეფასებისას ეს ძალიან კარგი, დადებითი მხარეა, თუმცაღა აირებით მტენ „კარგ“ სისტემებსაც აქვთ Benelli-სთან მიმართებაში გარკვეული უპირატესობები თუნდაც ბალისტიკური თვალსაზრისით, კონკრეტულად კი საფანტის განაწილების მხრივ.
Benelli Raffaello Pasion - ი პოლიმერის მყარი ყუთით არის დაკომპლექტებული, რომელშიც თოფთან ერთად განთავსებულია 3 ცვლადი ჩოკი, ბენელის საწმენდი ზეთი, კონდახის კუთხის შემცვლელი ფირფიტები, ღვედის დამჭერები, ჩოკების სახსნელი ქანჩი.
საკმაოდ საინტერესოა სწრაფი დატენვის სისტემა. საკეტის ღიად დატოვების შემთხვევაში ვაზნის უხეშად ჩაგდებაც კი საკმარისია სავაზნე ფანჯრის გავლით სისტემურ კოლოფში, რომ საკეტის დამკეტი ღილაკის თითის დაჭრის შემთხვევაში ვაზნა უპრობლემოდ გადაინაცვლებს სავაზნე არხში, მიუხედავად იმისა რა მდგომარეობაში იყო ის განთავსებული ბუდეში. გარდა ამისა აგრეთვე საკმაოდ საინტერესოდაა აგებული ვაზნების დამცლელი სისტემა. თუ მსროლელს სურს რომ დაასრულოს ნადირობა და მჭიდიდან ამოიღოს ვაზნები, ჰილზის გამოღება არა სავაზნე ფანჯრის გავლით, არამედ პირდაპირ სისტემური კოლოფის ქვემოდან ხდება, სწორედ იქიდან საიდანაც ხდება ვაზნების მჭიდში ჩაწყობა. ვაზნის დამჭერ ენაზე ზეწოლის შედეგად ვაზნა მოემართება მჭიდიდან გარეთ, სისტემური კოლოფისაკენ. ამგვარი სისტემა რეალურად უფრო სწრაფად მუშაობს, ვიდრე სტანდარტული ნახევრადავტომატური თოფის სიტემები, რომელთა შემთხვევაშიც ვაზნა ჯერ სისტემურ კოლოფში უნდა ჩამოვარდეს, ხოლო შემდგომ საკეტის გაღების შედეგად გადმოვარდეს გარეთ. თუმცაღა მისი იშვიათი ფუნქციონალურობის გამო მაინც გავრცელებულ სისტემებს ანიჭებენ მონადირეები უპირატესობას.
გარდა ამისა, Benelli Bellmonte-საგან განსხვავებით, რომელიც ასევე BBI – ს ქარხანაში მზადდება, Pasion - ს აქვს ბევრად უკეთესი ესთეტიკური მხარე. ის ერთიანდება Rafaello - ს ჯგუფში და აღჭურვილია ნიკელის ფერი სისტემური კოლოფით, რომელიც თავისთავად მთლიანად გრავირებაშია ჩასმული ორივე, მარჯვენა და მარცხენა მხარეს. გრავირების შუაში კი ნახატს ოქროსფრად გაფორმებული ფრინველის გამოსახულება ამშვენებს.
თამამად შეიძლება ითქვას, რომ Benelli Raffaello Pasion წარმოადგენs თავის კლასში, კონკრეტული ღირებულების მქონე ნახევრადავტომატურ გლუვლულიან თოფებს, რომელსაც რეალური კონკურენტი მსგავს ფასში ფაქტიურად არ ჰყავს, განსაკუთრებით კი საქართველოს ბაზარზე.
მწარმოებელი: BBI (Beretta Benelli Iberica)
მოდელი: Benelli Bellmonte II
ლულის სიგრძე: 71 სმ
წონა: 3 კგ
კონდახი: ხე (3 კლასის კაკალი)
ჩოკები: 3 (ცვლადი)
ფასი: 3400 ლარი |
