www.caravani.ge
ოპტიკა
BAUER - HD Bauer 5-25x56 TH HD (80556)
ფასი: 1330 ლარი   |   საწყობში:
მოდელი: HD Bauer 5-25x56 TH HD (80556)
გადიდება: 5-25 (5x - ჯერადი)
ბიჯი / კლიკი: 10 მმ 100 მეტრზე
შუა მილის დიამეტრი: 30 მმ
მთლიანი სიგრძე: 385 მმ
წონა: 830 გრ
ბადე: TH
გერმანულმა კომპანია Bauer-მა 2017 წლის საერთაშორისო გამოფენაზე IWA-2017 წარმოადგინა ახალი მოდელი და თამამად შეიძლება ითქვას, რომ ხმამაღალი განაცხადი გააკეთა ისედაც კონკურენტებით დახუნძლულ ევროპისა და უფრო მეტად ინგლისის ბაზარზე. ფასი, რომელიც წარმოდგენილ ოფტიკურ სამიზნეს აქვს, რეალურად ხარისხს აღემატება და თანაც ბევრად. გარდა ამისა მნიშვნელოვანია, რომ არა მარტო ევროპაში, არამედ ამერიკისა და კანადის ბაზარზეც ანალოგიურ ფასად მსგავსი ხარისხისა და მონაცემების ოფტიკური სამიზნე ფაქტიურად არ მოიძებნება. ყველაზე კარგი კი იქნებოდა თავად BAUER - ის იგივე დანიშნულების ძველ მოდელებთან შედარება, რომელსაც ახალი ვერსია აბსოლუტურად ყველა კრიტერიუმით, იქნება ეს მაგნიფიკაცია თუ ხარისხი, ბევრად აღემატება.
პირველ რიგში უნდა აღინიშნოს რომ წარმოდგენილი ოფტიკური სამიზნე გამოირჩევა გადიდების, ანუ მაგნიფიკაციის - ეგრედწოდებული „ზუმის“ დიდი დიაპაზონით. მსგავსი მოდელების ხსენებისას ბევრს გონია რომ თავად გადიდება უნდა იყოს მაქსიმლურად დიდი და ეს განაპირობებს „ზუმის“ დიაპაზონის სიდიდესაც და თავად ოფტიკური სამიზნის ავკარგიანობასაც. რეალურად კი ეს რათქმაუნდა ასე არ არის. განსაკუთრებით სანადირო დანიშნულების ოპტიკური სამიზნეების შემთხვევაში. გადიდების დიაპაზონის ეფექტურობა სროლისათვის დამოკიდებულია იმაზი თუ რამდენად მეტია ეფექტური ხედვის არეალი. მარტივი ენით რომ ვთქვათ, თუ მსროლელს ძალულს რომელიმე კონკრეტული ოპტიკური სამიზნით ინადიროს ახლოც და ძაან შორსაც, იდეალური გარემოებაა მისთვის და ასეთი მოდელით თამამად შეიძლება წავიდეთ თითქმის ყველა ტიპისა თუ ზომის ნადირზე სანადიროდ. ჩვენ შემთხვევაში საქმე გვაქვს ტაქტიკური ტიპის ოფტიკურ სამიზნესთან, რომელსაც გარკვეული ტიპის ცხოველებზე ნადირობისისაც გამოიყენებენ, სწორედ ზემოთხსენებული დადებითი მახასიათებლიდან გამომდინარე. თუმცაღა მისი ძირითადი დანიშნულება შორ დისტანციებზე ზუსტი გასროლაა. ეს გახლავთ მოდელი BAUER HD 5-25x56 TH.
ასევე კარგად იკვეთება ოფტიკური სამიზნის უნივერსალურობა და მსროლელს დიდ უპირატესობასის ანიჭებს ოფტიკური სამიზნის აგების იდეალური ხარისხი. ამაში იგულისხმება შიდა და გარე პერიმეტრების ურთიერთშერწყმა ისე, რომ მაქსიმალურად ნაკლებად ჩანდეს მასში გახედვისას და დამიზნებისას თავად ოპტიკური სამიზნე, ანუ რგოლი რომელიჩ შავად გვეჩხირება თვალში.
5 ანუ ყველაზე დაბალი გადიდება კონკრეტული, უმაღლესი ხარისხის HD კატეგორიის (high definition) ლინზების ქონის შემთხვევაში, მითუმეტეს მაშინ, როდესაც ოფტიკურ სამიზნეს აქვს განათებადი წითელი წერტილი და ის ზემოთხსენებული მახასიათებლები, რაც უკვე ვღნიშნეთ, თამამად შეგვიძლია გამოვიყენოთ ოფტოელექტრონული დანიშნულებისამებრ - ანუ ეგრედწოდებული წითელი წერტილის - კოლემატორის პრინციპით ახლო მოძრავ სამიზნეზე ნადირობისას. ამის თვალნათელი მაგალითია სარეკის დროს გარეულ ტახზე ნადირობა, როდესაც სწრაფად მოძრავი სამიზნის მონადირება უწევს მსროლელს. ეს საკმაოდ რთული გასაკეთებელია ამ ფასიან ოპრიკურ სამიზნეებზე და იშვიათ ბრენდებს, როგორიცაა Swarosvki, Schmidt&Bender, Carl-Zeiss, Nightforce ა.შ. ძალულთ 5 - დან დაწყებული მაგნიფიკაციის შემთხვევაში ისეთი ოპტიკური სამიზნის გაკეთება, რომლითაც ახლო ნადირობაც იქნება შესაძლებელი.
რაც შეეხება მაქსიმალურ გადიდებას - 25-ს, მაგალითის სახით შეიძლება ითქვას რომ საქართველოს პირობებში სრულიად საკმარისია მისი გამოყენებით ჩვენს ქვეყანაში მობინადრე ნებისმიერი ნადირის მონადირება. სნაიპერული სროლისას კი მისი ეფექტურად გამოყენება 1000 მეტრამდეა შესაძლებელი. მაგალითის სახით შეიძლება ითქვას, რომ წარმოდგენილი Bauer - ს ოფტიკური სამიზნით, რომელიც დამონტაჟებული იქნა Tikka T3 Super Varmint - ის შაშხანაზე .308 Winchester (7,62x51mm) ყალიბის ვაზნებით 500 მეტრ მანძილზე მოვახერხედ 1/3 MOA-ზე ოდნავ ნაკლების, ანუ 4,4 სანტიმეტრიანი წრეთაშორისი დაჯგუფების გაკეთება (1 MOA 500 იარადზე, ანუ 457,20 მეტრზე არის 13,2969 სმ).
ახალი თაობის ბადე, რომლის შუა წერტილიც განათებადია, სამიზნის სახელწოდებაშივე მოხსენიებულია როგორც TH, ანუ Tactical Hunt. ეს სახელი დანიშნულებას რეალურად შეესაბამება და თავად ოპტიკური სამიზნისა თუ ბადის მონაცემები იძლევიან უნივერსალურად გამოყენების საშუალებას. TH - ს ტიპის გამოსახულებით ბადეში აგრეთვე ჩადებულია Mildot - ის თვისებები. შუა ცენტრალური წერტილისა და მის ქვემოდ განლაგებულ წრეებსა და ხაზებს შორის არსებული დაშორების მიხედვით 20-ჯერად გადიდებაზე შესაძლებელია მანძილის გაზომვა 100 და 300 მეტრ დისტანიებზე სწრაფი, ტაქტიკური სროლისას.
ოპტიკური სამიზნე მილირადიანის ტიპის სარეგულირებელი დოლურებითაა აღჭურვილი, რაც 1000 მეტრ მანძილზე იდეალურად მუშაობს და უფრო უკეთესია სწრაფი, ტაქტიკური სროლისას, ვიდრე MOA - თი აღჭურვილი სამიზნე. ჩვენ შემთხვევაში 1/10 მილირადიანია ერთი ბრუნი, ანუ 1 სმ 100 მეტრზე. 200 მეტრზე 2 სმ, 300 მეტრზე 3 სმ და ა.შ. ზოგადად 1 მილირადიანი არის წრეწირის 1/1000, რომელიც საბოლოო ჯამში გამოდის 100 მეტრზე 1 სმ დოლურის ერთხელ დატრიალებისას.
PC კატეგორიის BAUER - ის ოფტიკური სამიზნის ლინზა, მისი საფარი თუ იდეალური შუქის გამტარუნარიანობა უზრუნველყოფს საიმედო და უსაფრთხო ხედვას მოღრუბლული და ცუდი ამინდის პირობებში. ლინზების ზედაპირის ბრწყინვალე დამუშავება უზრუნველყოფს ფერების ნეიტრალიზაციასა და გამოსახულების მაღალი კოეფიცინენტით გადმოცემას. PC საფარი, რომელიც BAUER-ის ბრენდული სახელწოდებაა, გულისხმობს გარეთა ლინზების დამუშავებას ტენიანობისა და ჭუჭყის წინააღმდეგ. აღნიშნული საფარის გამოყენების შემთხვევაში მიის ზედაპირი უფრო მყარი და მდგრადია, რაც უზრუნველყოფს ნაკაწრებისაგან დაცვას.
სისტემური კოლოფი აგებულია ნაწრთობი - ლეგირებული ალუმინის მასალისაგან - 6061- T6, რომელიც საავიაციო მრეწველობაში გამოიყენება.

WP - შიდა საფარი უზრუნველყოფს წყალგაუმტარობას მაშინაც კი, როდესაც დოლურებს დამცველი ალუმინის რგოლები არ უკეთიათ. რათქმაუნდა დანარჩენი დეტალებიც და მთლიანად ოფტიკური სამიზნეც რეალურად წყალგაუმტარია. ეს ძალზედ მნიშვნელოვანი ფაქტორია, რომელიც თავისზე დაკისრებულ მოვალეობას კარგად უნდა ასრულებდეს და აუცილებლად უნდა ჰქონდეს თანამედროვე ოფტიკურ სამიზნეს.
წარმოდგენილი ოფტიკური სამიზნე აღჭურვილია „პარალაქსის“ ფუნქციით, რომელიც უზრუნველყოფს პარალაქსური შეცდომების გამოსწორებას - შორ და ახლო დისტანციებზე რეგულირებასა და შედეგად ხედვის გაუმჯობესებას. ასევე ფოკუსი შეიძლება გასწორებულ იქნას გადიდების ოფტიმალურად გამოყენების გარეშეც.
მოდელი BAUER HD 5-25x56 TH, რომელიც ჩვენს მაღაზიათა ქსელში 1850 ლარი ღირს, თამამად შეიძლება ითქვას, ლიდერია მსგავსი კლასისა თუ და მასზე საკამოდ ძვირად ღირებულ ოფტიკებს შორის, ბევრად უკეთესია ყველა კრიტერიუმების გათვალისწინებით თითქმის ნებისმიერ მის კონკურენტსა თუ მის წინამორბედ BAUER-ის ვერსიებზე. რაც მთავარია, არა მარტო საქართველოს ბაზარზე, არამედ ამერიკისა და ევროპის ბაზრებზეც ანალოგიური ხარისხისა და მონაცემების მქონე ოფტიკური სამზინის მოძიება ასეთ რეალურ და მისაღებ ფასად ძაან რთული და ზოგ შემთხვევაში შეუძლებელია.
BAUER HD - მოდელები
მარკა მოდელი გადიდება შუა მილის დიამეტრი მთლიანი სიგრძე წონა ბადე საწყობში
BAUER HD 2.5-12 (5 ჯერადი) 30 მმ 405 მმ 620 გრ. L7
BAUER HD 3-12 30 mm. 35 cm. 670 gr. L4
BAUER HD 4-16 30 mm. 34,5 cm. 900 gr. Mildot
BAUER HD 6-24 (4 ჯერადი) 30 მმ 360 მმ 720 გრ TH
BAUER HD 1-6 (6 ჯერადი) 30 მმ 28 სმ 483 გრ CC
BAUER HD 1-5 (5 ჯერადი) 30 მმ , , ,
BAUER HD 5-25 (5x - ჯერადი) 30 მმ 385 მმ 830 გრ TH
BAUER HD 1,5-6 (4 ჯერადი) 30 მმ 330 მმ 520 გრ L4
BAUER - ყველა მოდელი
მარკა მოდელი გადიდება შუა მილის დიამეტრი მთლიანი სიგრძე წონა ბადე საწყობში
BAUER HD 2.5-12 (5 ჯერადი) 30 მმ 405 მმ 620 გრ. L7
BAUER HD 3-12 30 mm. 35 cm. 670 gr. L4
BAUER HD 4-16 30 mm. 34,5 cm. 900 gr. Mildot
BAUER HD 6-24 (4 ჯერადი) 30 მმ 360 მმ 720 გრ TH
BAUER HD 1-6 (6 ჯერადი) 30 მმ 28 სმ 483 გრ CC
BAUER HD 1-5 (5 ჯერადი) 30 მმ , , ,
BAUER HD 5-25 (5x - ჯერადი) 30 მმ 385 მმ 830 გრ TH
BAUER HD 1,5-6 (4 ჯერადი) 30 მმ 330 მმ 520 გრ L4
BAUER HJB 1.25-4.5 30 mm 27 cm. 437 gr. L4
BAUER HJB 2,5-10 30 mm. 33,4 cm. 670 gr. L4
BAUER HJB 3-9 25,4 mm. 31,2 cm. 375 gr. Duplex
BAUER HJB 3-9 25,4 mm. 32,5 cm. 418 gr. L4
BAUER HJB 4x32 25,4 mm. 29,4 cm. 272,00 Duplex
BAUER HJB 4-32 25.4 mm. 19 cm. 230 gr. Duplex
BAUER HJB 6-24 (4 ჯერადი) 30 მმ 405 მმ 720 გრ Mil-Dot
BAUER HJB 3-9 (3 ჯერადი) 25,4 მმ 330 მმ 430 გრ Mil-Dot
BAUER HJB 6 ჯერადი 25,4 მმ 319 მმ 310 გრ სტანდარტული ჯვარი
BAUER OD 8,5x50 - 165,00 mm. 870,00 gr. -
BAUER OD 8- - 17 cm. 670 gr. -
BAUER OD 8x50 - 169.00 mm. 822,00 gr. -
BAUER OD 8x56 - 165,00 mm 890.00 gr. -
BAUER OD 20-60 - 33 cm. 884 gr. -