www.caravani.ge
სანადირო თოფები
POF - P15 Gen4 Renegade+
ფასი: 6300 ლარი   |   საწყობში:
ტიპი: ნახევრად ავტომატური
მოდელი: P15 Gen4 Renegade+
კალიბრი: 5.56x45mm NATO
ლულის სიგრძე: 41
ჩოკი: შაშხანა
წონა: 2,7 კგ
ვაზნების რაოდენობა: 30+1 ვაზნა
POF -USA დაარსდა 2002 წელს aerospace engineer - ს მიერ. აღნიშნული მიმდინარეობა მოიცავს aeronautical engineering -სა და astronautical engineering - ს ერთად და ძირითადათ NASA - ს ინჟინრების მიერაა დაკომპლექტებული. იდეის ავტორი და ამ ყოველივეს მოთავე გახლდა Frank DeSomma, რომელსაც 28 წლის გამოცდილება აქვს Aerospace - ში მუშაობის და რომელიც ამჯერად კომპანიის პრეზიდენტად გვევლინება. სწორედ მის გუნდს უნდა ვუმადლოდეთ „სტოუნერი“-ს სისტემის დახვეწასა და განვითარებას, ისე რომ იარაღი იყოს ნებისმიერ კონკურენტთან შედარებით უკეთესი ყველა კრიტერიუმით, იქნება ეს კრიტიკულ, ექსტრემალურ პირობებში უტყუარი მუშაობა, სიზუსტე, ერგონომიულობა თუ სხვა ნებისმიერი მახასიათებელი. დესომას განცხადებით მათი ძირითადი იდეაფიქსი გახლდათ კომპანიის შექმნა, რომელიც არ გაიმეორებდა სხვა, მსგავსი შაშხანების მწარმოებელი ქარხნების მუშაობის პრინციპს და იქნებოდა მინიმუმ განსხვავებული , უკეთეს შემთხვევაში კი მათზე უკეთესი. მათ არ სურთად ყოფილიყვნენ სტანდარტული AR-15 სისტემების შემქმნელი კომპანია, რომელიც სხვებივით ჩვეულებრივ იარაღებს ააწყობდა. მათდა საამაყოდ უნდა ითქვას, რომ მათ ყველაფერი, რასაც გეგმავდნენ იდეალურად გამოუვიდათ. POF - ის ინჟინრებს ძალიან დაეხმარათ AEROSPACE - ში მიღებული გამოცდილება და სწორედ იქ შემუშავებული თეორიული და პრაქტიკული ინფორმაციების გამოყენებით უამრავი განსხვავებული, გაუმჯობესებული სისტემა შექმნეს. მაგალითის სახით შეიძლება მოვიყვანოთ CROS [Corrosion Resistant Operating System], რომელიც იცავს იარაღს ჟანგისა და კორიზიისაგან ნებისმიერ სხვა დაცვის საშუალებასა თუ მეთოდზე უკეთ. მთავარი სისტემა, რომელიც POF - მა განავითარა და რომლითაც ცნობილია, გახლავთ მოკლე ბიjიანი აირების დგუშის სისტემა. კომპანიამ შექმნა ზუსტი, იდეალურად მორგებული OP-ROD/PISTON (დგუშის სისტემა) გეომეტრიული ფიგურა და აირების წნევის რეგულირებადი მექანიზმი (ბლოკის სისტემა), რითიც უზრუნველყო იარაღის უტყუარი, დაბალანსებული, სტაბილური სიჩქარით (ციკლური განაკვეთები) ფუნქციონირება, გარანტირებული ექსტრაქცია და ვაზნების მიწოდების საიმედოობის გაღრმავება. აგრეთვე უნდა აღინიშნოს, რომ იარაღის ფუნქციონირებისას ნაკლებად ხურდება შაშხანა, იზრდება საიმედოობა და უსაფრთხოება. ასევე იოლდება შაშხანის გაწმენდა. E2 Chambers - ეს გახლავთ კომპანის მიერ შექმნილი სავაზნე არხის სისტემა, რომლითაც POF-ის ყველა შაშხანაა აღჭურვილი. ორმაგი ექსტრაქციის ფუნქციის მქონე ტექნოლოგია შედგება ოთხი პატარა არხისაგან, რომელიც სავაზნე არხის კედლებშია გაჭრილი და საშუალებას აძლევს აირების წნევის მცირე ნაწილს მიაწვეს განთავსებული ვაზნის წვერს უკან. ზემოთხსენებუი აირების წნევა სავაზნე არხსა და ჰილზს შორის არსებულ ჭრილებში შეღწევისას იქ განთავსებულ ჰილზს აწვებიან უკან, ექსტრაქტორისაკენ, ისე რომ ისენი არ სცდებიან ბოთლისებრ ყელს და საშუალებას აძლევენ ექსტარორს თავისზე დაკისრებული მოვალეობა ბევრად უფრო უკეთ შეასრულოს. ანუ რეალურად ეს სისტემა საგრძნობლად უადვილებს ექსტრაქტორს სამუშაოს და სწრაფს და საიმედოს ხდის მის ფუნქციონალურობას ჰილზის ამოგდებისას. აღნიშნული ტექნოლოგიის არსებობის შემთხვევაში დარწმუნებულები იყავით რომ თქვენი ექსტრაქტორი 5-ჯერ უფრო მეტ ხანს იმუშავებს, ვიდრე სტანდარტული სავაზნე არხის მქონე სისტემა. GEN4 Lower Receivers - მე-4 თაობის ქვედა სისტემური კოლოფით თითქმის ყველა POF - ის შაშხანაა აღჭურვილი. მატი უპირატესობების ჩამოთვლა უფრო თვალნათელს გახდის მათ. 1. პირველი გახლავთ ორმხრივი საკეტის დამჭერი/დამშვები, რომელიც ცაცისებისათვისაც და მემარჯვენეებისათვისაც ერთნაირად მოხერხებულია. 2. მეორე თვისება, რომელიც მას სტანდარტული ვერსიებისაგან განასხვავებს, გახლავთ ორმხრივი დამცველი ღილაკი რომელიც ცაცისებისათვისაც და მემარჯვენეებისათვისაც ერთნაირად მოხერხებულია. 3. მესამე ფუნქცია წარმოადგენს ზედა და ქვედა სისტემური კოლოფების სიცარიელის დამაბალანსებელ ფოლადის ჭანჭიკებს, რომელთაც ძალულთ ბუდის გამყარება რათა სროლისას ნაკლები იყოს რყევა და გაიზარდოს სიზუსტე. 4. მეოთხე წარმოადგენს გაზრდილი ზომის, კარგად მორგებულ მჭიდის ბუდეს. 5. მეხუთე ფუნქცია გახლავთ ორმხრივი თითის დასადები სასხლეტის ბუდეზე, ეგრედწოდებული თითის დასასვენებელი. 6. მეექსვე თვისება, რომელიც მე-4 თაობის სისტემურ კოლოფს ახასიათებს გახლავთ ორმხრივი მჭიდის გამომღები/დამჭერი ღილაკი. 7. მეშვიდე თვისება წარმოადგენს გაზრდილ სასხლეტის ბუდეს, რომელიც ტარის რელიეფს კარგადაა მორგებული. 8. მერვე გახლავთ ორმხრივი საკეტის დამჭერი. საკმაოდ დიდ უპირატესობას ფლობს POF - კონკურენტებთან მიმართებაში ზედა სისტემური კოლოფის სისტემებითაც. Modular Railed Receiver წარმოადგენს ორი ნაწილის ერთობლიობას, რომელიც საერთო ჯამში აუმჯობესებს სიზუსტესა და ამტანობას ექსტრემალურ პირობებში. თავისუფალი რხევის პრინციპების მქონე ლულისგარე ტიბჟირი, რომლის მეშვეობითაც ლულა დაკიდებულია, ხოლო მოხსნისას ის სისტემური კოლოფის უკანა ხერხემალთან ერთად მოძრაობსმ, ბევრად აუჯმობესებს და უფრო უკეთ ხდება ნებისმიერი კრიტერიუმის გათალისწინებით შაშხანის ფუნქციონირება. აღნიშნული ხერხემალი დაახლოებით 5-ჯერ სქელია, ვიდრე სტანდარტულ შემთხვევებში გვხვდება ხოლმე. POF - ის მიერ წარმოებული ვესიებიდან საკეტი მექანიზმის ჯგუფში შედის როგორც აირების დგუშის მქონე სისტემა, ასევე პირდაპირ მილაკის გვალით შეფრქვევადი სისტემა. საკეტი მოპირკეთებულია NP3 ტიპის საფარით, რომელიც სტანდარტულ საფართან შედარებით უფრო მდგრადიაკორიზიისა თუ ჟანგისაგან დაცვის კუთხით თუ ზოგადად გამძლეობის თვალსაზრისით. საკეტ მექანიზმში განთავსებული გორგოლაჭისებრი ფოლადის ღერო - Roller Cam Pin - ძირითადი მაგალითია იმისა, თუ როგორ ცდილობენ კომპანიის ინჟინრები შეამცირონ საკეტი სისტემის მუშაობისას გარკვეული შეზღუდვები და ურთიერთმიმართებული ხახუნი. სტანდარტულ შემთხვევებში ზემოთხსენებულ დეტალს კუთხოვანი ფორმა აქვს და მათი თავი რკინის მასალისაგანაა შემქნილი, რომელიც მოქმედებისას საკეტის ზედაპითან მიმართებაში შედარებით უფრო მეტი შეფერხებით მოძრაობს და გარკვეულად თლის მას. POF-ის NP3 საფარიანი დეტალი კი მისი გეომეტრიული აგებულებიდან, მასალიდან და მოპირკეთებიდან გამომდინარე აქტუალურად, ყოველგვარი დაბრკოლებების გარეშე მოძრაობს სპეციალუად მისთვის გაჭრილ საკეტში არსებულ ჭრილში და ზრდის საკეტი მექანიზმის რესურსს. გაზრდილი ზომის, სითბოს დამწევი ლულის ცილინდრისებრი ხრახნი - OVERSIZED HEAT SINK BARREL NUT - წარმოადგენს POF - ის მიერ შექმნილ ერთ-ერთ მნიშვნელოვან გამოგონებას, რომელიც გამოარჩევს მას სპორტული ვერსიებისაგან და ანიჭებს უპირატესობას, რათა ექსტრემალურ პირობებში უფრო გამძლე, უტყუარი და დიდი რესურსის მქონე გახდეს მთლიანი სისტემა. 3“ (7,62სმ) სიგრძის დეტალი ზედაპირულად მთლიანად მოიცავს სავაზნე არხსა და ლულის იმ მონაკვეთს, სადაც ხორციელდება აფეთქება და წარმოიქმნება ყველაზე ჭარბი რაოდენობის აირები. ჩვენ თუ შევადარებთ ალუმინისა და რკინის გაცხელებისას მათ რადიაციულ თვისებებს, მივიღებთ 17 - ჯერ მეტ სითბურ გაფრქვევას ვიდრე ეს სტანდარტულ AR- ის სისტემებში იქნება. ის ასევე უზრუნველყოფს დგუშისა და საკეტის მამოძრავებელის უტყუარ ურთიერთშეთანხმებულ, პოზიტიური კუთხით ფუნქციონირებას. ასევე აღსანიშნავია, რომ საერთო ჯამში აღნიშნული დეტალი მთლიანად პლათფომას - სისტემურ კოლოფს მატებს სიმყარესა და უტყუარობას... გადახრის საწინააღმდეგო ბუფერის ბუდე - ANTI-TILT BUFFER TUBE - წარმოადგენს Mil-Spec - ის ტიპის ალუმინის მილს, რომელიც უზრუნველყოს, მამოძრავებელისა და ბუფერული მილის მუდმივ ურთიერთ მხარდაჭერას მაშინაც კი, როდესაც საკეტის მამოძრავებელი სრულად წინ არის. ეს ხელს უშლის მამოძრავებელის გადახრას ან ბუფერის არაკორექტულ, არადროულ მოძრაობას. აღნიშნული დეტალი ასევე შედგება სადრენაჟო ხვრელებისაგან, რომლებიც აუმჯობესებენ მას. სამმაგი არხის მქონე ალმაქრი/კომპენსატორი - TRIPLE PORT MUZZLE BRAKE – POF - ის ლულების მსგავსად არის ნიტრირებული, თერმულად დამუშავებული ალმაქრი კომპენსატორი. ნიტრირება არის პროცედურა, რომელიც გულისხმობს მეტალის ზედაპირის აზოტით დამუშავებას. ამასთანავე ხორციელდება ფოლადის თერმული დამუშავება. ორივე ერთად კი ქმნის იმის პირობას, რომ კომპნსატორის მოვლა გახდეს უფრო იოლი და გაიზარდოს მისი როგორც რესურსი ასევე მდგრადობა. აღნიშნული დეტალი იდეალურად არეგულირებს აირების გაფანტვა - განაწილებას და სანათურთან წარმოქმნილი რხევის დაბალანსებას. POF - ის ცალსაფეხურიანი სასხლეტი ფიქსირებული სისტემითაა აღჭურვილი. Drop-In სასხლეტი მექანიზმის მოხსნა დაყენება უმარტივესია და უმოკლეს დროში ხორციელდება. სურვილის შემთხვევაში კომპანია გვაძლევს საშუალებას გამოვიყენოთ 4 განსხვავებული ზეწოლის მქონე სასხლეტები. ესენია 3.5, 4, 4,5 და 5,5 ფუტის ზეწოლის მქონე ვერსიები. სასხლეტი სისტემის ჩარჩო დამზადებულია ალუმინისაგან, ხოლო მისი ფეხები ურეთანის რბილი და ამავდროულად გამძლე მასალისაგან. შესაბამისად აღნიშნული სასხლეტის გამოყენება ერთნაირად წარმატებულადაა შესაძლებელი სპორტული სორლისას, ნადირობისას თუ ტაქტიკურ ვარჯიშზე. თავად სასხლეტი, გამომრთველი და ჩაქუჩი EDM (Electrical Discharge Machining) დამუშავების მეთოდიკის გამოყენებითაა შექმნილი ამერიკული წარმოების A2 რკინისაგან, რომლებიც შაშხანის ლულის მსგავსად ნირტირებული და თერმულად დამუშავებულია. თავად ფოლადის ღეროები, რომლებიც ამყარებენ სიტემურ კოლოფთან მიმართებაში სასხლეტი მექანიზმის ჩარჩო, ბრენდირებული KNS Precision - ტიპის, თვითნებურად ბრუნვისა და მოძრაობის საწიინააღმდეგო ფუნქციის მქონე ვერსიებია და უჟანგი რკინისაგან არის წარმოებული სპციალურად ორმხრივი სისტემების მქონე იარაღებისათვის. POF - ის რეგულირებადი აირებით მტენი სისტემები - ADJUSTABLE GAS SYSTEMS - იქნება ეს დგუში თუ პირდაპირ შეფრქვევადი სისტემა, ორივე შემთხვევაში ისინი რეგულირებადია. მსროლელს ძალულს განსხვავებული სიჩქარისა და წონის მქონე ამუნიციის სროლა, მაყუჩის გამოყენებისას დაბალანსება ან საერთოდ დგუშის ჩაკეტვა. საკმაოდ დიდ მოწონებას იმსახურებს POF - ის ის მოდელები, რომლებიც თანამედროვე მეთოდოლოგიით აგებული EDGE - ის სახელით ბრენდირებული ლულისგარე სახელურით, იგივე ტიბჟირითაა დაკომპლექტებული. ამ შემთხვევაში მოდულარული ლიანდაგისებრი მიმღები, რომელიც რეალურად წარმოადგენს ხელსაკიდის გაგრძელებას და შაშხანის სისტემური კოლოფის ზედა მარჯვენა და მარცხენა მხარეს მოიცავს, მატებს იარაღს სიმყარესა და სიზუსტეს. ტიბჟირი აღჭურვილია ორმხრივი QD ტიპის ღვედის დასამაგრებელი ჭრილებით, რომელიც იდეალურად გამოყენებადია როგორც მემარცხენეებისათვის, ისე მემარჯვენეებისათვის. აღნიშნულ დეტალზე შესაძლებელია დამატებით დამაგრდეს პიკატინის ტიპის ხიდები, რომლებიც ცალკე იყიდება. იარაღს უფრო ერგონომიულს, ხოლო ლულას იოლად გაგრილებადს ხდის 3-გვერდიანი M-LOK ™ ტიპის თავსებადი ჭრილები. საკმაოდ დადებითი თვისებაა 5 ჭრილიანი პიკატინის მოკლე ხიდები, რომლებიც მათი აგებულებიდან გამომდინარე ძაან არ ამძიმებენ შაშხანას და ამავდროულად საშუალებას იძლევიან იარაღზე დამაგრდეს წინა სამიზნე მოწყობილობა, ორფეხა სადგამი, ფანარი თუ სხვა მსგავსი აქსესუარი. 2017 წლიდან POF უკვე თავისი იმ მოდელებისათვის, რომლებიც დგუშითაა აღჭურვილი უკვე აწარმოებს 20 % - ით შემცირებული გაბარიტების მქონე ტიბჟირებს, ისეთივეს როგორც ამას აკათებს Renegade - ს მოდელებისათვის. შემცირებული წონა და ზომა კი უზრუნველყოფს მსროლელის კომფორტს, რომელიც აშკარაა შაშხანის ხელში აღებისას. კომპანია „ქარავანი+“ - ის მეშვეობით მოხდა მათი საუკეთესო მოდელების საქართველოს ბაზარზე იმპორტი. წარმოგიდგენთ POF-ის ორი განსხვავებული სისტემის მქონე ვერსიას, დგუშით აღჭურვილი სისტემის მქონე POF P415 EDGE კალ. 5,56x45 mm NATO და აირების პირდაპირი გზით შეფრქვევადი სისტემის მქონე POF Renegade+ კალ. 5,56x45 mm NATO. POF P415 EDGE შემუშავებულ იქნა დაახლოებით 10 წლის წინ, იმისათვის რომ ყოფილიყო საუკეთესო მოდელი საუკეთესოთა შორის არახელსაყრელ, ექსტრემალურ პირობებში. ეს გალხავთ მუდმივად განვითარებადი და გაუმჯობესაბადი AR - ტიპის პროდუქტი, რომელიც ჯერ ჯერობით არც ერთ სხვა მწარმოებელს არ შეუქმნია. საიმედოობასა და უტყუარობაზე დიდი ხანი ტარდებოდა განსხვავებული ტიპის ტესტები და საბოლოოდ დადასტურდა აღნიშნული მოდელის ოპერატიული სისტემის საიმედოობა და უტყუარობა. შაშხანა აღჭურვილია ფაქტიურად ყველა იმ ფუნქციით, რომელიც შემქნა 5,56 ყალიბისათვის კომპანია POF - მა. ამას ისიც ემატება რომ 2017 წელს მათ განავითარეს ზომაში და შესაბამაისად წონაში შემცირებული ლულისგარე კონდახი, რომელიც რათქმაუნდა ხელსაკიდის როლსაც ასრულებს. როგორც ზემოთ აღვნიშნეთ, მისი გაბარიტები 20 % - ითაა შემცირებული. ეს კი საგრძნობლად მოქმედებს ერგონომიულობასა და ზოგადად კომფორტულ მოხმარებაზე. არჩევანის გაკეთებისას საკმაოდ მნიშვნელოვან როლს თამაშობს აირებით მტენი სისტემა, რომლის გამოც სწორედ აღნიშნულ მოდელს ანიჭებენ ხოლმე უპირატესობას მყიდველები. ის გახლავთ არა ბევრი სხვა კონკურენტის მსგავსად მექანიზმი, რომელიც ფუნქციონირებისას აირებს აძლევს საშუალებას განვლონ გრძელი გზა, არამედ მოკლე ბიჯიანი სისტემა Short stroke gas piston, რომელიც თავის თავზე დაკისრებულ მოვალეობას უნაკლოდ ასრულებს. აღნიშნული დგუშიანი სისტემა აღჭურვილია აირების სარეგულირებელი ბლოკით, რომლის მეშვეობითაც შესაძლებელია 5 განსხვავებული პოზიციის მოქმედებაში მოყვანა. ერთ-ერთი პირველი, ყველაზე გავრცელებული პოზიციაა - NORMAL, როდესაც აირების ბლოკის მომხსნელი ღილაკი განთავსებულია პოზიციურად მარცხნივ. ეს პოზიცია ითვლება სტანდარტულ, სერიულ ვერსიად, როდესაც მსროლელს ძალულს ნებისმიერი ქარხნული ამუნიციის გამოყენება. მარჯვენა მხარეს დატრიალებისას 45 გრადუსით მოხდება აირების გადინების შემცირება განსხვავებული ამუნიციის რეგულირების - კომპენსირების მიზნით - ADVARCE პოზიცია. ბლოკის საწყის რეჟიმში დაბრუნება და შემდგომ 90 გრადუსით დატრიალებისას იკეტება სისტემა და მთლიანი აირები ხმარდება გასროლის წარმოებას. ეს გახლავთ OFF პოზიცია. ამ დროს ბლოკის გამომღები ღილაკი განთავსებულია ზედა მხარეს. ამ შემთხვევაში გასროლა ხდება უფრო ზუსტი და ძლიერი. იმავე საწყისი პოზიციიდან 180 გრადუსით დატრიალების შემთხვევაში ბლოკის გამომღები ღილაკი დადგება მარცხენა მხარეს, რაც ნიშნავს, რომ შაშხანა არის „მაყუჩის“ - Suppressed პოზიციაში. ამ დროს მცირდება აირების არსებობა ლულაში, რათა მოხდეს მისი და მაყუჩის დამატების შედეგად უკუმიმართულებით შექმნილი წნევის კომპენსირება. მარჯვენა მხარეს 45 გრადუსით დატრიალების ოდნავ უფრო იზრდება აირების გადინება, რომელიც გარკვეული ტიპის მაყუჩებისათვისაა რეკომენდირებული - Suppressed2 პოზიცია. რაც ყველაზე სამწუხაროა ზემოთხსენებული 2 ფუნქციის გამოყენება ჩვენთან ყველა შემთხვევაში უაზროა, რადგანაც კანონმდებლობით მაყუჩი სამხედრო პროდუქციას ეკუთვნის და სამოქალაქო დანიშნულებით მისი გამოყენება აკრძალულია. აღსანიშნავია, რომ ზემოთხსენებული მოდელი POF P415 EDGE ყველა იმ განახლებული თვისებებითა თუ დამატებითი ოფციებითაა აღჭურვილი, რაც კომპანია POF - ს ახასიათებს. მისი მთავარი განმასხვავებელი ნიშანი Renegade + გან გახლავთ აირებით მტენი სისტემა, რომელშიც რეგულირებადი ბლოკი არის განთავსებული ხოლო თავად აირები არა დგუშის მეშვეობით, არამედ ფოლადის მილაკის გავლით, პირდაპირი შეფრქვევის გზით გაედიენებიან სისტემაში, ეჯახებიან მამოძრავებელს, რომელიც საკეტთან ერთად უკუმიმართულებით მოძრაობს და ახორციელებს ექსტრაქციას. ეს გარემოება ზოგ პირობებში შესაძლებელია დადებით მხარეს შეადგენდეს EDGE - თან მიმართებაში, ან პირიქით. თუმცაღა ერთი უპირატესობა Renegadi + სა ნათელია. მისი აირების ბლოკის მეშვეობით შესაძლებელია 9 განსხვავებული პოზიციის რეგულირება. ეს კი განსაკუთრებით დადებითად აისახება სპორტსემენებსა და ტაქტიკური სროლის მოყვარულებზე. სწორედ მათთვის, ვინც ძირითადათ მძიმე წონის და განსხვავებული წარმოების ვაზნებს იყენებს და ხშირ შემთხვევაში თავად ახორციელებს ამუნიციის დატენვას. თუმცაღა სურვილის შემთხვევაში აღნიშნული დგუშიანი სისტემის დაყენება ძაან მარტივად ხორციელდება, რასაც არა მარტო ამერიკელები, არამედ საქართველოში მომსახურე ჩვენი ინჟინერიც იდეალურად გააკეთებს... ზოგადად კომპანის დაარსებისთანავე იდეაფიქსი გახლდათ კალაშნიკოვის სისტემაზე მარტივი და უტყუარი და M4 -ის იარაღივით ზუსტი ვერსიის შექმნა, რომელიც საუკეთესო იქნებოდა საუკეთესოთა შორის. კონკრეტული დგუშითა და აირების ბლოკის გამოყენებით ზემოთხსენებული სისტემა სწორედ რომ ამ იდეაფიქსის მთავარი დამამტკიცებელია. თუმცაღა Renegade + ის სახით კომპანიამ შექმნა პირდაპირ მილის გავლით შეფრქვევადი აირებით მტენი სისტემის მქონე ვერსია, რომელიც შესაძლოა ნაკლებადაა გათვლილი ექსტრემალურ, კრიტიკულ პირობებზე, თუმცაღა დახურული სისტემისა და უნაკლოდ შესრულებული სამუშაოს შედეგად არც აღნიშნულ რთულ პირობებში უჭირს ფუნქციონირება. მისი შექმნისას დესომას სურდა იარაღი არ ყოფილიყო, როგოროც ამერიკელები იტყვიან „me-too” შაშხნა. ანუ სხვების მსგავსი. სწორედ ამ ინფორმაციის საპასუხოდ, იმ ყველა სიკეთესთან ერთად რაც POF - ის საუკეთესო მოდელებს ახასიათებთ, შექმნეს ზემოთხსენებული 9 პოზიციის მქონე რეგულირებადი აირების ბლოკი რომელიც უპრეცენდენტო იყო შექმნისას მსოფლიოში. საერთო ჯამში ორივე იარაღი უნაკლო და თამამად შეიძლება ითქვას თავის კეტეგორიაში საუკეთესოა...
POF P15 - მოდელები
მარკა მოდელი კალიბრი ლულის სიგრძე ჩოკი წონა საწყობში
POF P15 Gen4 EDGE 5.56x45mm NATO 41 სმ შაშხანა 2,7 კგ
POF P15 Gen4 Renegade+ 5.56x45mm NATO 41 შაშხანა 2,7 კგ
POF P15 Puritan 5.56x45mm NATO 41 სმ შაშხანა 2,7 კგ
POF - ყველა მოდელი
მარკა მოდელი კალიბრი ლულის სიგრძე ჩოკი წონა საწყობში
POF P15 Gen4 EDGE 5.56x45mm NATO 41 სმ შაშხანა 2,7 კგ
POF P15 Gen4 Renegade+ 5.56x45mm NATO 41 შაშხანა 2,7 კგ
POF P15 Puritan 5.56x45mm NATO 41 სმ შაშხანა 2,7 კგ